旅行最緊要打卡，去台灣梗係要去主題餐廳朝聖啦！今次我依莉詩就去咗香港無嘅 鬆弛熊 Rilakkuma Café ，唔知大家又去過未呢？
分時段開放，一個月前上網訂位
鬆弛熊 Café 位於大安區的忠孝東路上，捷運國父紀念館站 2號出口行 10分鐘就到，交通方便，但就同平時港人去嘅旅遊區唔同，係民居入面，大部份的小店都裝修得好有特色，就好
雖然餐廳開咗一段時間，不過都好難訂位，出發最好先上網訂位，唔駛排隊，分 5個時段入場。每個時段有兩個鐘，有足夠時間食飽四圍影相。
▲ 餐廳影相位有幾個，除咗門口嘅大鬆弛熊，記得去埋甜品
▲ 每個位都會有鬆弛熊、白熊或者雞雞嘅碟，就連餐紙都印有鬆弛熊圖案呢！
將萌萌鬆弛熊食落肚，甜品款式又多又精緻
影完靚相又係食嘢時間，呢度甜品有好多款，馬卡龍、pancake、蛋糕都有，款款都有可愛鬆弛熊，整得好精緻。因為晚市時段，所以有主菜可以點，大概都係簡單嘅咖喱飯、白汁飯。坦白講，餐廳 CP值唔高，價錢同香港主題餐廳差唔多，用番台灣生活物價嚟講，要搵更好食更大份精緻嘅應該有更多選擇，不過鬆弛熊粉點都要來過一次才能圓夢吧！
▲ 拉拉熊豬排咖哩飯 NT 360
白熊造型嘅咖哩飯可愛度爆燈，而豬排中間夾咗火腿同芝士，砌開有拉絲效果，味道不錯，不過份量偏少，連細食嘅我都唔多夠飽。
▲ 拉拉熊生乳起司蛋糕 NT 200
係云云甜品中，我最後揀咗熊仔頭芝士蛋糕，咁靚真係唔捨得食！蛋糕分成四層，上層係薄薄嘅鬆弛熊學古力，中間係柔軟嘅慕絲，下層係芝士蛋糕，搭配餅乾底，製作有心思。
▲ 抹茶拿鐵 NT 150
抹茶 latte 上面有雞雞圖案好可愛，但要先拌勻再喝，以免都喝到抹茶粉。
▲ 甜品櫃入面嘅甜品睇落好好味咁啊！食晒應該會好肥。
Rilakkuma Cafe 拉拉熊咖啡廳
地址：台北市忠孝東路四段248巷3號
營業時間：11：30～22：00
台北店已結業，唯有番香港食
同場加影 12月去嘅布甸狗PomPomPurin cafe，可惜太懶，呢篇文遲遲未寫，原來台北店已經係 2月 5 號結業了。不過都唔緊要台北店同香港店嘅 Menu 近乎一樣，想食可以去 銅鑼灣食嘅。
▲ 當初點解我會去台北店而唔係香港食呢，主要係呢間餐牌一樣，但定價就二成有多，變相同一個餐就好似打咗 8折，咁梗係留番旅行先食啦！可惜竟然做唔住了⋯⋯
▲ 門口大大隻布甸狗好可愛，仲戴咗聖誕帽同頸巾添！
▲ 連凳都係布甸狗背面， patpat 有菊花㗎！
▲餐廳裝修一絲不苟，並唔係普通貼貼紙咁簡單呢！
▲ 布甸狗小檔案，你又對佢認識幾多呢？
指定食物送布甸杯
至於食物方面，布甸狗 cafe 嘅食物選擇無鬆弛熊 cafe 咁多，不過餐牌就有晒彩色圖，靚好多，而出嚟嘅食物同菜牌都有 9成似㗎！而某啲食物仲會送布甸杯，有得食次餘，仲可以拎走，好滿足呢！
▲ 聖誕版牛肉飯 NT 290
呢個牛肉飯嘅汁甜甜地好好味，而且飯嘅份量好夠，水準唔錯。
▲ 布丁狗的麻吉培果所特製的無敵鬆餅塔 NT 350
Pancake 以日本鬆餅粉製作，食落濕潤保有空氣感，每層夾住朱古力同吉士醬，配埋旁邊生果，甜而不膩，份量需多，但兩個人好快就食晒呢！
布丁狗主題餐廳 POMPOMPURIN Cafe
地址 ：台北市信義區松壽路12號5樓(Att 4 Fun) (2017年 2月 5日已經結業)
銅鑼灣軒尼詩道525號澳門逸園中心B1層