每個人都有自己所行嘅路，但要談到「生涯規劃」，就好似一早變了質。正正因為要「贏在射精前」，年輕新一代好似未出世就註定了要「涯」一樣，父母一早已經規劃好往後要步嘅路，但這一切是你想要的嗎？不如襯會展一連四日舉辦嘅教育及職業博覽，去了解一下自己真正想要怎樣嘅將來吧！
小時候夢想真係可成真？
相信每個人小時候都會作過一篇「我的志願」。雖然老土，但夢唔係嗰陣發，仲可以幾時發丫。細個就係有無限嘅可能！當時你可能想做消防員，但大了你嘅體能又夠唔夠應付呢？當時你又可能想做飛機師，大了你嘅語文水平同應變能力有係咪好呢？到咗中學階段，發覺有啲嘢好似已經定咗型，面對升學同就業呢個交叉點，你會否堅守自己兒時嘅夢想？還是一早已經唔打算實現呢？
▲ 兒時夢想離不開警察、消防等公務員。呢度就有多個政府部門及公、私營機構如警務處、消防處、香港機場管理局等介紹佢哋嘅日常工作。參觀完或者會勾返起點點嘅使命感呢！
▲ 唔少人睇完衝上雲霄都想做飛機師，但實際上要行呢條路原來好長遠。呢個訓練飛機師嘅課程就由零經驗讀起，先讀兩年基本知識，畢業後仲要一邊實習一邊儲飛行時數，要做到 Cool魔 咁 Cool 隨時要花十幾年時間。你願唔願意長時期同屋企人分隔兩地呢？
▲ 每個職業都有佢背後嘅好同唔好，想知更多，呢度就有真人俾你問，部份仲有得試堂添！
除咗夢想，興趣都係另一個重要原素。成日聽人講話做到自己興趣嘅嘢自然唔會厭倦工作。不過，係香港呢個商業社會，玩音樂、砌硬件等等又係咪真係可以當飯食，又係咪有市場呢？「青年廣場」、「展翅青見計劃」等就為大家提供進修同就業各可面資訊。
▲ 砌機械人好似好簡單，但原來當中要考慮好多嘢，少啲耐性都未必做到呢！
▲ 玩音樂又係咪揾到食？真係要問下過來人先知啦！
不要以為自己欠缺甚麼
回望自身，可能有好多不足，可能係成績，可能係天份，又可能係體能。但要記住，不要以為自己欠缺甚麼，要諗自己可以改變甚麼。行呢個展覽正正令人充滿希望，讓大家可以發掘更多，無論發展專業、專長 定 實用技能 上都有好多選擇。
▲ 香港地出名工時長，既然日日都做到隻狗咁，不如諗下點先可以做一隻快樂嘅狗吧！
教育及職業博覽 2017
日期：2017年 2月 23日 至 2月 26日
地點：香港會議展覽中心