上星期介紹過 3大型展覽畀窮忙族提升生活品味。第一炮香港家庭用品展同香港國際家用紡織品展，就由今天開始一連四天係會展舉行。而我 依莉詩 今日就去咗參觀，睇下 2018 家具設計嘅新潮流。
2018年春夏的設計潮流
上回講過今年家品展以「L.I.F.E.」劃分成 4個主題展區：「Lifestyle」、「Interior」、「Feast」及「Enrich」，每展區有咩內容就唔再講。今次講下每個展區出面都有一個由知名意大利設計顧問公司 A+A Design Studio 設計嘅展示區，利用不同顏色主調及室內裝飾，揭示2018年春夏的設計潮流。
▲ 「Lifestyle」展示區以「Count on Copper」做主題，擺放了不同的銅製家品。
▲ 銅色的家品帶點點復古味，耐用而有格調。
▲ 「Interior」展示區以「Own Jungle」做主題，擺放了不同的布藝卜土家品。
▲ 海藍天或者就係下年最 hit 的顏色吧！
▲ 「Feast」展示區以「Visual Illusion」做主題，擺放了不同的紫色家具。
▲ 紫色帶給人夢幻的感覺。
▲「Enrich」展示區以「Bamboology」做主題，擺放了不同的竹製品。
▲ 竹製品帶給人自然放鬆的感覺，能夠令家變得更自在溫暖。
家品都有初創？
一講初創大家都會諗起科技公司，但原來家品都有！今年家品展就新增「初創專區」，讓初創企業以較低的價錢租用專區展位，物色買家及潛在合作夥伴。另外，今年更有「Lifestyle」的「咖啡精品廊」、「Feast」的「酒店及餐飲業用品」，以及「Enrich」的「建築及五金世界」等新展區。
▲ 當中更有初創公司會與新晉設計師合作，由新晉設計師供圖，合作生產後，賣出作品並分成。
生活由更好的設計開始
行完成個家品展，發覺設計原來可以從細節中改善生活。就好似 HKEA Smart Design award 的得獎作品一樣，細微設計中，令生活更方便。
▲ 呢個枱燈融個剪紙藝術，令生活更添趣味。
▲ 呢個鴨嘴套係煲邊就可以輕易倒湯唔會瀉。
▲ 呢個開瓶器除咗開汽水蓋，仲可以入汽水蓋當槍玩，更加 Party 樂趣。
香港家庭用品展及國際家用紡織品展
日期：2017年4月20至23日
地點：灣仔會展