就算對藝術無研究，但中學上視覺藝術堂都總會聽過梵高嘅大名。要欣賞佢嘅作品唔一定要去博物館同畫廊呢啲咁嚴肅嘅地方。最近尖沙咀 1881 就開設咗全球首間以梵高作品做主題嘅體驗型藝術空間，以賞、食、買去了解佢眼中嘅世界！而我 依莉詩 梗係去「相機食先」啦！
梵高作品激發靈感而設嘅蛋糕
以梵高做主題嘅餐廳，甜品梗係最重要一環。呢度嘅蛋糕以梵高嘅畫為設計靈感，一睇外表就認得出《向日葵》、《臥室》、《盛開的杏樹》等梵高著名畫作。雖然外表超有藝術感，但蛋糕同咖啡定價相對親民，同尖沙咀區嘅 cafe 差唔多，迷你版一件約$45-$60，而大個裝都係 $390 一磅。無論請食 tea 定買嚟慶祝朋友生日都一樣咁大體。
▲ 迷你焦糖向日葵 Patite Caramel Sunflowers $58/個
見到咁大朵向日葵就知係《Patite Caramel Sunflowers》。鮮黃色嘅蛋糕加上粗糙表面嘅忌廉亦好有油畫感覺呢！
▲ 濃郁嘅焦糖有少少曲奇脆粒粒，加上綿滑忌廉，口感特別。
▲ 焦糖向日葵 Caramel Sunflowers $390/1磅
大個裝都有好多朵向日葵係蛋糕上面，設計上同迷你版近乎一樣。
▲ 迷你夜闌熱情 Petitle Midnight Passion $58/個
深藍色嘅半球體就好似將《Petitle Midnight Passion》變成立體一樣，好有藝術感。
▲ 藍莓同熱情果酸酸甜甜，對味蕾同視覺都有好大衝擊。
▲ 夜闌熱情 Midnight Passion $390/1磅
大個裝嘅夜闌熱情係圓柱形，又有另一番感覺。
▲ 絕代紅鵝絨 Classic Red Velvet $48/個
紅鵝絨嘅顏色鮮艷亮麗，好吸睛呢！
▲ 夢寐寢室 Bedroom of Dreams $390/1磅
呢張床加上紅鵝絨嘅床單，就同《臥室》入面張床一樣呢！
▲ 杏花伯爵 The Earl of Blossoms $390/1磅
呢個粉藍色杏花伯爵以《盛開的杏樹》做藍本，上面有幾朵粉色杏花點綴，清新又可愛！
充滿藝術嘅環境如置身美術館
除咗甜品同咖啡，掛住食嘅時候唔好唔記得欣賞埋環境佈置。無論幅身設計定係掛畫都充滿梵高嘅畫作，加上每張餐桌上都印有不同嘅名言。置身其中，令自己嘅品味提升唔少！
▲ 牆上掛有《Patite Caramel Sunflowers》嘅仿畫，就好似去咗博物館咁。
▲ 另一邊牆以多隻印有《Petitle Midnight Passion》圖案嘅碟併出一幅完整嘅畫。
藝術感的禮物突顯自己品味
單單現場感受梵高嘅氣息又點夠，呢度仲有唔少精品同禮盒可以買，全部都以梵高畫作做包裝，變得更有藝術感。送禮畀朋友就更顯自己有品味啦！
▲ 盛開的杏樹茶葉木禮盒 $2680
▲ 迷你華夫餅水彩禮盒 $388
▲ 梵高朱古力木禮盒 – 雷雲下的麥田 $880
梵過餐廳 Van Gogh Senses
地點: 尖沙咀廣東道2A 1881廣場208號鋪
宮崎連鎖居酒屋塚田農場登陸海港城！望住維港嘆「美人」 Tea set
～尖沙咀的夢幻世界～與閨密必去的少女風樓上 Cafe
睇更多拍拖好去處！
FB： 依莉“詩”生活
IG： ErieDiary
網址：ErieDiary.hk
YouTube：Diary Erie