唔講唔知，原來鬆弛熊同白熊係布偶公仔，難怪可以日日咁 hea 啦！有一日佢哋蜜糖係森林玩，見到一隻有牙，心口有毛，patpat 有蜜糖胎記，真真正正嘅熊 – 「茶小熊」！而今個聖誕佢哋仲一齊喛尖沙咀 The One 玩呢！我 依莉詩 當然第一時間去打卡啦！
6 大甜蜜場景 鬆弛過聖誕
今年聖誕嘅商場佈置比往年少咗以卡通人物為主題，最吸引嘅似乎係鬆弛熊！仲要一次過擺兩個大場，就係 The One 同 皇室堡，真係非常罕見。今次我先去 The One 睇睇，發覺場景真係做得好靚呢！ UG2 中庭有 5個甜蜜場景，甜蜜回憶製作所、黃金糖果屋、紅色聖誕大屋、甜蜜蜜蛋糕噴池 同 聖誕樂郵郵，每一個打卡位都好有歡樂氣氛！
▲ 紅色聖誕大屋前面就有換上聖誕裝嘅鬆弛熊！旁旁仲有茶小熊嘅可愛 patpat 啊！
▲ 鬆弛熊已經為大家寫好聖誕卡，準備寄出來囉！茶小熊仲好痴身咁跟係後面，似乎想偷睇鬆弛熊寫咩畀自己啊！
▲ 黃金糖果屋由鼻哥窿雞做店長！雞～全新都係雞！
▲ 鼻哥窿雞仲準備咗小遊戲同大家玩！
▲ 櫥窗入面有好多聖誕版鬆弛熊、白熊同鼻哥窿雞呢！好想帶晒番屋企！
▲ 茶小熊坐係甜蜜蜜蛋糕噴池上面享受緊源源不絕嘅蜜糖呢！
甜蜜「心」林陣陣蜜糖味 3D眼鏡變成夢幻心心眼
聖誕節當然唔少得睇燈飾，地下露天廣場嘅甜蜜「心」林除咗重現白熊同茶小熊相遇一刻外，即場喺個人社交平台完成簡單步驟，仲可以得到一副魔法甜「心」眼鏡。眼前嘅燈光都會變成心心，成個森林即刻夢幻晒呢！
▲ 蜜糖小屋真係有蜜糖香氣㗎！
▲ 戴上眼鏡後，燈光都變成心心，所有嘢都夢幻晒！
期間限定店 買全港首發茶小熊
打完卡，粉絲點可以唔帶埋鬆弛熊番屋企過聖誕？L2 特別開設為期近兩個月嘅期間限定店，除咗鬆弛熊、白熊同鼻哥窿雞，今次仲有香港優先發售嘅茶小熊精品！毛公仔、水樽、暖手套、文具、T-shirt、 衛衣、ToteBag，大部份實用又可愛，係時候買份聖誕禮物畀自己囉！
▲ 茶小熊毛公仔 $128(右) 。
▲ 茶小熊毛公仔 $258(左)、$158(右)。
▲ 想食埋鬆弛熊落肚？可以去埋 4樓 Joō de Rolls 食輕鬆小食套餐 HK$128/Set 呢！
▲ 11月19日、26日、12月17及24日仲有熊抱見面會！可以零距離暖暖見面，係咪羨煞旁人呢？
The One x Rilakkuma 甜蜜小鎮
日期：12/11/2017至1/1/2018（10am-10pm）
地址：尖沙咀The One UG中庭及地下露天廣場（顯示地圖）
The One x Rilakkuma 甜蜜小鎮－期間限定店
日期：11/11/2017至1/1/2018（10am-10pm）
地址：尖沙咀The One L2（顯示地圖）
Facebook：The One
聖誕展覽特集
Kuromi 迷必去！ 佻皮聖誕事務所 5大打卡位 x 超萌甜食店
荔枝角的飄雪聖誕！置身迷你冰屋 + 欣賞奇異光影表演
葵芳全新 4萬平方呎戶外休憩空間！聖誕花海自拍牆 x 巨型松果環
粉色超夢幻 Starlight Garden！ 星光泡泡許願泉 + 夢幻迴旋熱氣球 空降沙田
小丸子 3 年 4 組聖誕聯歡會！VR 遊戲清潔班房 x 香港配音音樂劇
茶小熊尖沙咀夢幻登場！與鬆弛熊「心心眼」過蜜糖聖誕
Pixar 彼思動畫展覽重臨！阿愁玩轉沙田文化博物館
更多情侶好去處！
【情侶自拍】影出不一樣的放閃相！香港兩大主題樂園影相位逐個捉 (上集)
【情侶自拍攻略】學識呢幾招女朋友包滿意！自拍婚紗 10大 拍攝 + 後製 技巧大公開 (上集)
【情侶自拍攻略】學識呢幾招女朋友包滿意！自拍婚紗 10大 拍攝 + 後製 技巧大公開 (下集)
【情侶自拍攻略】 呃like必備！自拍放閃 10大 必備 Pose
睇更多拍拖好去處！
FB： 依莉“詩”生活
IG： ErieDiary
網址：ErieDiary.hk
YouTube：Diary Erie