仲係學生嗰陣每年最期待就係聖誕聯歡會，交換禮物同大食會都令人好興奮呢！今次我 依莉詩 就去咗 3年 4組嘅班房同小丸子一齊開 Party！唔止有得同小丸子同學合照，仲有得玩 VR 遊戲，玩完有貼紙送𠻹！
由班房走到禮堂 尋找小丸子同學
今年聖誕，小丸子就讀嘅清水市立入江小學搬到奧海城中庭，由 3年 4組班房、禮堂、家政室、音樂室到活動室都成為打卡位。當然仲有小丸子同佢啲同學係唔到位置等緊你！所有嘢都同現實一樣大，就好似真係番咗小學咁，不過小丸子同佢啲同學都未長高，我呢位成年人企埋去好似太高啦！
▲ 校門外，有小丸子、小玉 同 丸尾同學興奮咁準備番學參加聖誕聯歡會呢！
▲ 3 年 4 組嘅班房有小丸子 同 山根同學一起上堂。以前都唔覺，原來小學班房啲桌凳係咁矮呢！
▲ 唔要商場嘅背景，影出嚟都幾有番咗小學嘅感覺㗎！
▲ 一班總有個腸胃唔好嘅同學，山根同學上上下堂就話肚痛要去廁所了！
▲ 另一方廂，野口同學喺家政室，準備緊大食會嘅食物。小丸子Cupcake 同 小玉曲奇都好特別呢！想要嘅，小賣部都有得賣，可以帶番屋企。
▲ 音樂室就由穿上一身高貴西裝嘅花輪同學駐守。讚好奧海地專頁同放相上社交平台，佢仲會幫你整一條獨一無二嘅聖誕歌 Music Video。條 Video 喜感十足，真係好搞笑㗎！
▲ 活動室就由大野同衫山同學主持。平時老師都唔畀畫黑板，今次就破例可以盡情畫！
▲ 除咗中庭嘅經典學校場景外，商場仲有 3個影相位，展示小丸子、小玉同學同野口同學嘅大型聖誕主題勞作品裝飾。咁大棵 Capcake聖誕樹，如果真係食得，應該要食好耐呢！
玩 VR 遊戲 贏小丸子筆袋
除咗打卡，只要喺奧海城或中港薈最多兩間不同商戶以即日電子貨幣消費滿 $200，就可以喺校務處換領學生手冊。排隊玩 VR 遊戲，將班房垃圾清理，再玩老師話 AR 遊戲 同 家政室內挑戰甜品大作戰，完成 3個任務就可以得到小丸子筆袋了！
▲ 雖然遊戲設計畀小朋友玩，大人玩可能有啲無聊，不過玩完有小丸子筆袋同貼紙送，Fans 唔係唔玩掛？
聖誕音樂劇：來自星星的祝福
遊戲大人未必啱玩，但呢場聖誕音樂劇絕對成個 party 嘅焦點！音樂劇所有聖誕歌曲均由著名音樂人伍樂城先生及音樂團隊合力改編及創作全新歌詞，小丸子更會高歌三曲𠻹！聽講藝員仲會由櫻桃小丸子香港動畫配音員原聲演出，仲唔係童年回憶大爆發！
▲ 友藏爺爺一早霸定頭位，坐係觀眾席為孫女打氣啦！
奧海城 x 櫻桃小丸子《來自星星的祝福》
公演日期: 2017 年 12 月 3、10、17、24-26 日
時間: 1pm 及 3pm
地點: 奧海城 2 期地下主題中庭大舞台
小賣部 – 櫻桃小丸子期間限定店
參加完聖誕聯歡會，就當然要到小賣部買小丸子限定版精品啦！今次嘅限定版小丸子Cupcake 同 小玉曲奇公仔都好得意，想買就快手喇！
▲ 限定版小丸子Cupcake 公仔 $230
▲ 限定版小玉、野口曲奇公仔 $230
▲ 小丸子睡貓咪 $230
▲ 小丸子、友藏爺爺雪人 $249
奧海城 X 櫻桃小丸子 聖誕聯歡會
日期: 2017 年 11 月 20 日至 2018 年 1 月 1 日 (12 月 31 日暫停開放)
時間: 12:00pm-8:00pm (星期一至五) 12:00pm-9:00pm (星期六、日及公眾假期)
地點: 奧海城 2 期地下主題中庭、奧海城 1 期及 3 期
聖誕展覽特集
Kuromi 迷必去！ 佻皮聖誕事務所 5大打卡位 x 超萌甜食店
荔枝角的飄雪聖誕！置身迷你冰屋 + 欣賞奇異光影表演
葵芳全新 4萬平方呎戶外休憩空間！聖誕花海自拍牆 x 巨型松果環
粉色超夢幻 Starlight Garden！ 星光泡泡許願泉 + 夢幻迴旋熱氣球 空降沙田
小丸子 3 年 4 組聖誕聯歡會！VR 遊戲清潔班房 x 香港配音音樂劇
茶小熊尖沙咀夢幻登場！與鬆弛熊「心心眼」過蜜糖聖誕
Pixar 彼思動畫展覽重臨！阿愁玩轉沙田文化博物館
睇更多拍拖好去處！
FB： 依莉“詩”生活
IG： ErieDiary
網址：ErieDiary.hk
YouTube：Diary Erie