等了又等櫻花季終於來到啦！一想到可以係櫻花樹下漫步就已經覺得超興奮。我 依莉詩 一早做了唔少功課，搵咗 6 個東京賞櫻必去熱點，親身去一次介紹俾大家。記得要留意開花的時間，唔係就會白跑一趟啊！
花期比上年遲，4月上旬滿開
櫻花花期好短，由初開到吹雪只有幾星期，萬一遇著落雨就更快散落。不過為買平機票，我 依莉詩 唯有搏一搏，早係上年 9月已經搶平機票，準備今年 3/23-31 去東京賞櫻。因為上年東京櫻花季係 3/21開花、3/31 滿開，諗住早少少去避過人潮實無死，點知今年天氣比較凍，櫻花比往年遲開，所以今次旅程睇唔到滿滿的櫻花海啊！
就係回港後，遲遲未見滿開的染井吉野櫻終於宣布滿開，氣象廳職員係今日 (4/2)，確認代表東京千代田區花開標準的靖國神社內八成櫻花綻放，比去年遲了兩天滿開。相信各個賞櫻熱點都會係 4月上旬陸逐滿開呢！
1) 穿梭櫻花樹下 – 新宿御苑
新宿御苑可以說是小編今次旅程最大的收穫。因為新宿御苑種有多達約 65 種1,300株櫻花，從二月的寒櫻到四月下旬的梅護寺數珠掛櫻都有，係東京市區櫻花花期最長的賞櫻景點。如果唔想等到滿開期同大量遊人逼，去新宿御苑就最好。除了有庭園小橋流水造景，仲有多片大草地，地方空礦，野餐、寫生都無問題，甚至放腳架自拍都不會阻到人，係一個影相好地方。
▲ 櫻花樹的品種很多，部份生得不高，可以靠近影張「人花合一」，但記住櫻花好脆弱，影還影，唔好多手呀！
預測滿開日：
網上說新宿御苑 3/23 部份櫻花品種已經滿開，不過就小編係 3/29 觀察，只有十幾棵櫻花是滿開的，大部份都只開了 3-4分，園內海報亦估計 4/15 會開得最美最多呢！
▲ 雖然只有數十棵滿開，但特寫已經很迷人。
▲ 藍天配密密麻麻的粉色櫻花就是一直想拍到的畫面啊！
收費：
因為公園係私營，所以要比大人200日幣、國中小學生50日幣入場費先入得去，而且規限比較多，入園去要搜袋，禁止攜帶酒類同遊樂器材，下晝 4點半就要離開(營業時間是9:00～16:00，16:30閉園)，所以安排早上行程就不會太趕啦！
▲ 這是少有要收入場費的公園，但比得很值！
前往方法：
從東京Metro地鐵丸之內線「新宿御苑前站」1號出口步行約 5分鐘就到，地點不算難找，順著人流就是了。
以下是小編的路線，1號出口走到紅圈的入口處。
2) 湖中賞櫻 – 上野恩賜公園
上野恩賜公園可以話係東京數一數二的賞櫻勝地，自江戶時代起，喜歡櫻花的天海僧已經將櫻花從吉野山移植至此。現在公園內種植約 1,000株染井吉野櫻同山櫻，形成一條長達 300 公尺左右的櫻花林蔭道。因為地點方便，所以有大量市民前來，櫻花季兩邊會鋪上地墊，供大家坐下賞櫻，而且有多檔小食售賣，好有日式慶典的感覺。除了櫻花林蔭道，附近公園與上野動物園相連，「不忍池」更可以體驗踩天鵝船，係湖中賞櫻。但因為人多路窄要自拍就有一定難度，上野恩賜公園反而係俾一家大細玩一日的好地方。
▲ 上野恩賜公園櫻花集中係兩旁道路，人流比較集中。
▲ 除了步行賞櫻，亦可以到「不忍池」踏腳仔賞櫻。
▲「不忍池」旁邊仲有多檔小食，好有慶典氣氛。
預測滿開日：
上野恩賜公園 3月24日初開，不過小編 3/30 觀察大部分櫻花都只有 3-4分開，網上預預告 4/1 才 5分開，要睇到滿開大概要 4月中吧！另外，公園有夜櫻開放時間 (17:30～22:00) ，不妨到附近阿美橫町逛完再回去看看啊！
▲ 小編 3/30 觀察大部分櫻花都只有 3-4分開，但部份又已經㓔了。
▲ 除了粉色的櫻花，還有白色的櫻花。
前往方法：
JR「上野站」公園口 步行約 3分鐘，經過阿美橫町就可以看到「上野恩賜公園」入口的大石。
而小編係由7號出口行到對面的京成上野駅(紅色箭咀)，有樓梯行上公園，一上去就已經望到好多人影的那棵櫻花了(紅圈)，而粉紅色箭咀是兩旁都是櫻花的大道。
3) 著住和服賞花 – 隅田公園
隅田公園附近有知名的淺草寺，除了有一千株以上染井吉野櫻種於隅田川沿岸，更可以看到晴空塔。你可以選擇漫步於櫻花步道或者搭乘隅田川水上巴士或屋形船欣賞櫻花的美態。亦因為鄰近淺草寺，附近有多間和服體驗館，著住和服賞樓應該別有一番風味！
▲ 因為太早嚟到，櫻花未開又落雨，整個公園都沒有人呢！
預測滿開日：
網上資料稱隅田公園 3/31 先初開，所以小編 3/27 來到只能看到花蕊，十分失望呢！
▲ 幾度的天氣，仲要落大雨，櫻花只有花蕊呢！
▲ 未有花的櫻花樹遠看只有樹枝啦！
前往方法：
地鐵銀座線「淺草站」步行約 5分鐘 或 地鐵淺草線「本所吾妻橋站」步行約 8分鐘就到，而另一 邊就係淺草寺。另外，夜櫻其開放時間至晚間 21:30。
淺草站5號出口，記住粉紅色圈位置先有櫻花睇!
4) 休閒行海濱 – 山下公園
前幾個都係十分多人的公園，而在橫濱市的山下公園人唔算多，可以更休閒。狹長型嘅公園一旁是櫻花樹，另一旁係海邊，雖然是以玫瑰著名，但公園東側的「世界廣場」亦有很美的櫻花啊！
▲ 山下公園的櫻花樹不高，但很多都已經開了。
▲ 櫻花樹另一旁係大海啊！
▲ 除了櫻花，公園還有各式各樣的花。
預測滿開日：
小編 3/23 去到已經 3-4分開了，還見到很多鳥仔啊！
▲ 有櫻花的地方就有雀仔。
前往方法：
搭乘港未來線 (みなとみらい線) 到「元町・中華街」站1、3、4號出口，走十多分鐘就到，地方比較難去，不過環境更寧靜。粉紅色圈是櫻花的位置。
5) 夜櫻版天空之鏡 – 千鳥之淵
千鳥之淵最令小編念念不忘的相片就係一張護城河岸兩岸的櫻花滿開令河面鋪滿花瓣，那種美真的很迷人，可惜已經係旅程最後一日，等不到滿開。不過夜櫻亦有另一番美態，(開放時間至晚間 22:00)，粉嫩的燈光加上水面櫻花的倒影，形成天空之鏡，唯美浪漫。
▲ 千鳥之淵只有一條長路，若果唔租船仔，半小時就可以行完，最好計劃多一個地方活動。
▲ 雖然櫻花未開，但打了粉色燈光後仍是很美。
預測滿開日：
因為網上資料稱 3/31 才初開，所以小編 3/30 去的時候大部分都係花蕊，不過打了燈後，仍有一種美。
▲近看全都是花蕊，嗚嗚⋯⋯
▲ 粉嫩的櫻花夜晚看多了入成熟感。
前往方法：
地鐵「九段下站」2號出口，步行約 5分鐘，行過了河邊就可以拆返了(夜櫻只有粉紅色圈位置)。
6) 嘆櫻花酒賞夜櫻 – 目黑川
目黑川係近幾年很紅的賞夜櫻新景點，全長 4公里的河道兩旁種滿櫻花，晚上櫻花步道會點起一盞盞的燈籠，浪漫之餘多了一番熱鬧。因為旁邊兩岸都係食肆同小食檔，唔少上班族下班後都會聚集飲一杯櫻花香檳，是很特別的風情。
▲ 橋兩旁掛滿燈籠，十分浪漫。
▲ 相比起其他景點，目黑川多了一份商業味，兩旁都係食肆同小食檔，上班族買了小食就會坐一旁賞櫻傾計。
▲ 到處都係櫻花香檳，幾乎每人都會飲一杯。
預測滿開日：
小編 3/30 到，同樣只看到初開的櫻花，而鐵路站海報稱 4/5 才滿開呢！
▲ 因為現場打的燈是白色，所以影出來沒有千鳥之淵那麼粉嫩唯美。
前往方法：
交通：地鐵日比谷線「中目黑站」步行約1分鐘，粉紅色箭咀方向都有櫻花的，只要見到燈籠的位置都可以觀賞夜櫻。
更多東京之旅遊記！
【東京】築地場外市場搵美食！蛋香十足玉子燒 + 半塊面大生蠔
【東京】迪士尼海洋遊玩攻略 – 極速入手 Duffy 達菲熊精品 + 霸位睇米奇魔法師表演
【東京】去迪士尼做足準備！東京迪士尼樂園 8大遊玩攻略 – 避過香港同款遊樂設施，玩足全園無難度
【東京】純愛電影浪漫取景地 – 橫濱一日遊！自製合味道杯麵 x 山手西洋館享受異國情調
【東京】羽田機場離開前必須搞掂的 5 件事！實試日本 11日無限速 LTE SIM 卡 + 開通教學
【東京】櫻花係咩味？邊賞櫻邊食櫻花甜品 + 日本便利店必買限定品
【東京】櫻花季 6大必去賞櫻熱點！2017 滿開預測 x 交通攻略
睇更多拍拖好去處！
FB： 依莉“詩”生活
IG： ErieDiary
網址：ErieDiary.hk
YouTube：Diary Erie