呢幾年成日聽到 STEM 呢個字，到底係啲乜東東？噚日我 依莉詩 就去咗個以 STEM 同環保為主題嘅綠色市集，睇吓到底而家嘅學生學緊乜！
STEM 結合環保教學新方向
原來STEM 係科學（Science）、技術（Technology）、工程（Engineering）同數學（Mathematics）4個學科嘅首字母縮略字。睇嚟而家嘅小學生唔只識編程，仲要學咁多嘢，真係個個都係未來工程師！今次參觀嘅綠色市集有逾二十間綠色及健康團體參加，除了遊戲專區嘅面部彩繪同跳彈床咗，最特別展示咗唔少 STEM 教材同學生成品。
▲ 攤位負責人話呢 set 「micro:bit」嘅套件現時唔少美國學生都用緊，大約十分鐘就可以學完成裝嵌。今次展示嘅應用係利用單車轉向，做出自動打燈，感覺好實用呢！
▲ 呢個教材套就用模型，教小朋友風力發電嘅原理。
▲ 呢 set 玩具用鹽水推動，一樣好似電動玩具識自己郁㗎！
▲ 想救救海洋！學生就砌咗幾個機械人，執海入面嘅垃圾。雖然係迷你版，但都似模似樣㗎！
▲ 唔用嘅木材唔單止可以再造，天虹小學嘅學生仲將砌好嘅皮影戲車去到安老院為公公婆婆表演，好有意義呢！
▲ 發電原來係咁辛苦！上呢部踏步發電機，踩到腳都斷都係得 0.000幾度電，所以慳電係幾重要呢！
▲ 當日仲有攤位遊戲畀小朋友玩，用英文教佢哋環保意識。
▲ 仲有一啲 AR Game 玩?！
▲ 大嘥鬼仲唔畀我捉到你！
“Green WALK HK” 睇你慳咗幾多碳排放
今日係綠色市集嘅同時，其實都係地球 • 敢『動』日啟動禮，介紹呢個“Green WALK HK”手機程式。手機計步 App 本身就有好多，呢個除了記錄每日步數、熱量消耗同減碳指數外，仲會計埋因為選擇行路，代替乘搭短途交通，所減少嘅碳排放，為對抗氣候變化出一分力。
▲ 平時行慣嘅朋友，可以參加埋華懋行，為水塘嘅水出一分力啊！
睇更多 STEM 好去處！
【秋季電子展2017】初創專區 6個智能科技帶動生活！旅行必備翻譯神器 + 健身套裝提你正確姿勢
【ICT Expo】科技讓人活得更有尊嚴，港人設計師為母親親手打造 360° 旋轉家居電動輪椅
————————————————————————————–
盈豐銀行趙善銓：買樓看收益率須實地考察
————————————————————————————–
睇更多拍拖好去處！
FB： 依莉“詩”生活
IG： ErieDiary
網址：ErieDiary.hk
YouTube：Diary Erie