聖誕節對男士嚟講都係一個奇怪節日，明明係耶穌生日，但就係要準備聖誕禮物畀女朋友！化妝品禮盒又唔識揀，毛公仔又買過喇，不如買 Gadgets 嘢，起碼自己知係咩，又實用嘛！今次就等我 依莉詩 介紹呢款北歐瑞典設計嘅 Sudio Vasa Blå 藍牙無線耳機畀大家，粉嫩色調配上簡約設計，女仔一定鍾意吧！
北歐風粉嫩色調
聖誕去唔到北歐旅行，送份由北歐最大文創搖籃—瑞典 斯德哥爾摩設計嘅禮物都算有心思掛。藍芽耳機好多時都係運動型，唔係黑色就係鮮艷顏色，女仔嚟講，日常戴好似唔係好襯到衫。呢款耳機一種色調，設計簡約。當中我最鍾意就係嫩粉色，平時出街戴住顯出生活品味。
▲ 粉色耳機附送金色夾仔，出街時可以夾係衫領，就唔怕跌咗。
▲ 全粉色嘅耳機非常靚，但個人覺得美中不足嘅地方，就係耳塞位係白色。而 4款不同尺寸耳塞可佩適不同耳型。戴上去舒適，都算幾隔音。
無線耳機隨時聽歌聽電話
因為成日都要出外做嘢，如果有留意我啲片，都知道我一路用開 phillip 嘅藍芽耳機，貪佢可以長期掛喺頸，方便隨時聽電話。可惜之前嘅 phillip 藍芽耳機經過充不到電，再免費換新後，用咗一年都唔夠就壞咗。
無錯藍芽耳機的確方便，但最大問題就係好易壞！我第一隻收到的 Sudio Vasa Blå 同樣都遇到充不到電問題，幸好免費換新後，而家用了3個月左右都仍然安好。而最值得讚的是，佢可以連續播放使用 8小時，而且只有 14g 重，就算出街帶一日都無問題！
同好多女仔一樣，我對音色要求唔算太高，不過因為住得遠，搭車一定要聽歌。戴上去都幾舒適，而且隔音，音色都唔錯，最重要係講電話嘅時候，非常清淅，對方唔會投訴。
▲ 耳機上有三鍵控制器，可以隨時接聽或結束通話，仲可以控制音量同選擇歌曲。
▲ 扁平式耳機線可以減少打結纏繞及扭曲造成破損，而且方便收納，自然唔會咁易斷線。
精美包裝送禮免煩惱
送禮要睇包裝，而家上香港&澳門官方網站 買 Sudio Vasa Blå 唔單止附送皮革收納袋同 tote bag，仲有靚靚禮物盒𠻹！訂完直接送到屋企，全港免運、三天快遞送到，連包都唔使包，就送得出去，夠懶啦掛！？
▲ 聖誕前買有埋禮物盒包裝，啱晒啦！
▲ 皮革收納袋幾有文青氣色呢！
▲ 仲有tote bag送𠻹！
Sudio Vasa BLÅ – Pink
更多 Gadgets 試用
依莉詩新玩具：「喇叭 x 床頭燈，仲幫你 call 埋 Uber 添！」- WITTI Beddi Glow 智能鬧鐘
直播再不是照妖鏡！素顏拍片都不怕！自拍神器 美圖T8 上手玩
————————————————————————————–
————————————————————————————–