四年一度世界盃又嚟啦！無論平時有冇睇開波都係一個大盛事！6月22日晚，我 依莉詩 就同餵蚊去咗東港城中庭，食住自助餐，坐喺波波梳化睇足全場！原來咁多人一齊睇波係咁興奮呢！！！
64場賽場每晚直播
一班人一齊睇波是常識吧！今次就介紹住將軍澳嘅朋友去東港城一齊睇啦！中庭嘅高清巨型電視會由6月14日至7月15日，每晚直播64場世界盃賽事。唔單止有 5.1杜比立體聲音響，商場仲準備咗好多張波波充氣梳化畀大家坐得舒舒服服睇波！如果想好似我咁，坐前排較佳位置，兼食酒店級自助盛宴 / 派對小食，只要以電子貨幣消費滿$1,000，再上網登記又有機會得到「東港城VIP至尊球迷通行證」。咁樣睇波法，真係既興奮又享受！
▲ 如果想坐得再歎啲，現場仲有 10張按摩椅畀有通行證嘅朋友坐𠻹！據講佢哋 6點前就一早排定隊了！
免費酒店級自助餐/派對小食
每個比賽日都會有50個VIP通行證名額，唔單止坐得更前，仲有派對小食供應，當中6月16日、22日及24日三晚更係酒店級自助餐。邊食邊睇波，咁就唔怕餓親啦！我 22號去就有即切燒牛肉同多款頭盤、小食同甜品揀，比賽期間仲喺會不停 refill 㗎！
▲ 即切燒牛肉勁吸引呢！
▲ 食物都特登跟番當日賽事去做裝飾。今日就係巴西對哥斯達黎加！
足球小將格鬥場大顯身手
大人睇緊波，咁小朋友做乜好？旁邊就有Captain Tsubasa 三大主角同大家格鬥！3個小遊戲畀小朋友大顯身手，盤球、頂頭槌、射 12碼，個個都玩得好投入呢！
▲ 動畫1：1造型嘅小志強好有衝勁！
▲ 林源三就準備好同大家影相！
▲ 大人睇波，小朋友亦有地方放電，唔怕悶親呢！
「網上登記•東港城VIP至尊球迷通行證」
活動日期︰2018年6月14日至7月15日
登記時間︰2018年6月13日至7月15日
登記分以下四個階段進行：
– 6月13日至6月21日可登記6月14至6月21日晚賽事
– 6月19日至6月28日可登記6月22至6月28日晚賽事
– 6月26日至7月3日可登記6月29至7月3日晚賽事
– 7月3日至7月15日可登記7月6至7月15日晚賽事
更多一日遊路線！
長洲 1.5 日單車美食懶人包！食盡 7大小食 ＋ 張保仔洞探險