今日就係中秋節啦！先祝大家中秋節快樂！唔知大家有冇食月餅食滯到？但我 依莉詩 就仲未！哈哈… 今次介紹幾款呢個中秋我最鍾意食嘅月餅～唔知你哋又有邊幾款心水呢？
1. 貓山王水晶月餅@榴槤BB
年年我都係榴槤BB 嘅捧場客，繼上年嘅榴槤冰皮月餅，今年又有新月餅，就係貓山王水晶月餅！濃郁香醇嘅高山老樹貓山王果肉餡料配上口感清新嘅水晶外皮，未食已經聞到陣陣榴槤香！咬破煙韌嘅水晶皮，入面厚厚嘅果肉好軟滑，好似食緊一舊榴槤咁！
▲ 水晶皮比起上年冰皮更煙韌有口感！
▲ 貓山王果肉勁厚！
2. Snoopy 流沙奶黃月餅@澳門英記
另一款我覺得唔錯就係澳門英記流沙奶黃月餅。除咗得意嘅 Snoopy 盒夠吸引，流沙奶黃月餅都充滿鹹香。食之前叮一叮，就更好食！
▲ Snoopy 幾得意㗎！
▲ 比起美心奶黃月餅，呢個更軟滑鹹香！
3.冰兔月餅@東海堂
講到最可愛月餅，一定非 東海堂 冰兔月餅莫屬！一盒有2個紫薯，8個迷你藍莓、芒果、綠茶朱古力 同 綠茶芝士，可以食都好多味道，最啱花心嘅我！
▲ 可愛3D兔仔造型唔捨得切開呢！
▲ 綠茶芝士清香唔太甜，唔會有飽滯感！
更多一日遊路線！
長洲 1.5 日單車美食懶人包！食盡 7大小食 ＋ 張保仔洞探險