聖誕打卡位最吸引就係有埋夜景！荃灣廣場就係其中一個夜晚都可以影嘅商場。規模雖然無海港城、新城市同新都會咁大，但勝在今年有 Disney 公主同森林動物坐鎮，喺精巧木材同柔美綠色植物融合下，日頭綠意盎然，夜晚璀璨夢幻，帶嚟兩種唔同嘅感覺，迪士尼嘅 fans 唔好錯過呀！
「公主叢林派對」打造20米長打卡牆
荃灣廣場天台分為兩個戶外森系主題區域，入到去第一眼就會見到貝兒、白雪公主、灰姑娘及長髮公主，4個公主木雕剪影，每一個公主都有佢嘅代表木雕做背景，線條同用色簡單，但你一定認到邊個打邊個！
▲ 《美女與野獸》中嘅貝兒旁邊就有一朵玫瑰渾身散發柔光！
▲ 白雪公主嘅標誌梗係蘋果啦！
▲ 灰姑娘就乘坐招牌南瓜馬車到場！
▲ 長髮公主旁邊就有一棵4米高木雕聖誕樹，為現場帶嚟聖誕氣氛！
「動物森林茶會」可愛度爆燈
另一邊由富貴貓Marie、小鹿Bambi、兔子朋友Thumper、小飛象Dumbo同老鼠朋友Timothy做主角，每隻都非常可愛，加埋燈飾夜晚就更加浪漫！因為燈光都足夠，就算無帶燈，用手機都影到靚相呢！
▲ 小飛象Dumbo同老鼠仔朋友Timothy 用無數小燈泡將林中小木屋佈置成溫暖小窩，係成個佈置最靚嘅打卡位呢！
▲ 小鹿Bambi 同兔仔朋友Thumper喺巨型茶具窗戶前等你到來！
▲ 富貴貓Marie企喺巨型嘅燈飾旁邊同你講 MERRY XMAS！
▲ 仲有 5米高閃閃發亮嘅聖誕樹𠻹！
Disney X Francfranc 聯乘限定精品搶購
除森系主題嘅打卡位外，12月2日至1月2日荃灣廣場L1中庭仲有「Disney主題綠悠夢幻聖誕 • 期間限定店」 ，同其他迪士尼限定店唔同，今次Disney特別同Francfranc聯乘，推出咗多款文具同家品。當中「綠悠夢幻聖誕」主題限定精品、首度加推Disney Princess+Disney Animals嘅聖誕綠色植物同Francfranc聯乘嘅迪士尼公主家品及聖誕樹系列，夢幻得嚟又環保，仲好實用呢！
▲ Francfranc聯乘嘅Disney Princess同Disney Animals 家品真係好靚呢！
▲ 仲有文具同卡包等精品，公主迷一定要收藏啊！
【Disney 主題綠悠夢幻聖誕】
日期： 2022年11月18日至2023年1月2日
時間： 上午10時半至晚上10時
地點： L5 PLAY GARDEN
【延伸閱讀】
