人生第一次學鋼琴!零基礎學彈流行音樂

相信呢大半年大家都忙住抗爭同抗疫,心情都未必會太好,而我都無心機咗好耐,人生好似突然無晒方向。不過休息咗咁耐,都喺時候振作起嚟,搵啲嘢做下。既然無得出街,咁就分享吓啲舊文啦!話說上年 8月左右我 依莉詩 join 咗個彈流行曲嘅短 course,亦係人生第一次學鋼琴,果然音樂喺可以幫助人抒發情緒,令心情會變好一啲!

零樂理知識都學得

成日覺得識彈琴嘅人好叻,但自己就一路都無機會學,到大咗先嚟學又怕尷尬!@mingspiano 專教人彈流行曲,聲稱就算零樂理知識都學得,所以就膽粗粗去試堂。咁大個人先第一次接觸鋼琴,咩 CDEFGAB 都分唔清,好彩導師都好有耐性,先教咗一般嘅彈法,再用特別嘅琴譜指導,話咁快就彈到首極唔流暢嘅「我的驕傲」!

3小時真係學得識?

始終我都無音樂底子,進度都比一般人慢,好彩導師都好好,明白大家嘅忙碌,無特別給予壓力,所以每堂都好輕鬆愉快!由初初左右手唔協調到愈彈愈順,真係覺得好神奇。原來自己仲有吸收能力,可以學到新嘢嘅,所以話,唔好畀藉口自己,勇敢去試,就有無限可能!至於係咪真係 3小時就好得識呢?我就認為睇天份嘅,佢特別嘅琴譜好易明,可以好易彈到,但流唔流暢就真係要靠練習啦!

 

流動鋼琴教室

武漢肺炎愈嚟愈嚴重,大家都避免外出,更唔好話出去尖沙咀咁遠學琴!而佢哋就新推出咗流動鋼琴教室等大家抗疫之餘都可以「停課不停學」。嗱~戴返頭盔先,我就未試過咁樣上堂嘅,不過聽落都幾有趣,有興趣可以試下吖!

 

更多一日遊路線!

屯門後花園偽日本打卡路線!藍地水塘+龍門居夜市|周末好去處|一日拍拖行程

鴨脷洲漁村風情半日遊!食盡老香港情懷 – 船河、大排檔、糕點小食

長洲休閒一天遊 – 賞櫻、行小店、睇日落

長洲 1.5 日單車美食懶人包!食盡 7大小食 + 張保仔洞探險

港版小清境 – 塔門一日遊!食海膽炒飯 + 大草地放風箏

由黃大仙走到九龍城! 半日遊深度體驗香港傳統文化

情侶放閃必去!精選 10大假日輕鬆好去處 (上集)

情侶放閃必去!精選 10大假日輕鬆好去處 (下集)

 

睇更多拍拖好去處!
FB page: 依莉詩生活
美食 IG: ErieDiary
打卡 IG:ErieDiaryhk
網址:ErieDiary.hk
YouTube:ErieDiary


About 依莉詩

網媒出身嘅 90後,抱住「試咗先講」嘅精神。終日飲飲食食、遊走各大商場、小店尋找好去處。