聖誕大家都會諗到會去迪士尼，但今次我 依莉詩 就同餵蚊，約埋大仁一家、Edward 一家 同 小小豬媽媽，十幾人一齊去海洋公園感受動感聖誕呢！今年唔單止有浪漫主題佈畀大家打卡放閃，仲有 VR 刺激遊戲玩！最驚喜係一連 10晚免費入場，有得行 Pinkoi 市集 同 玩攤位遊戲！聖誕雖然過咗，大家除夕都可以去感受吓氣氛啊！
冬日浪漫花園放閃打卡
年年海洋公園都係嗰棵聖誕樹同間聖誕屋，好似無乜特別，不過今年海濱樂園廣場就多咗好多個愛心造型佈置，啱晒情侶自拍放閃！另外仲有條兩旁佈滿燈海嘅小徑，一齊行都幾浪漫㗎！ 
▲ 呢間聖誕屋好似年年都一樣，不過例牌都要同聖誕老人影張合照吧！
▲ 燈海小徑兩旁佈滿圓形波波燈，燈光不斷變化，好浪漫呢！
▲ 仲有多個聖誕打卡位畀大家影相。
▲ 好啱情侶放閃用呢！
動感 VR 遊戲新體驗
除咗影相，海洋公園仲同 Samsung 合作，將「越礦飛車」改成 VR 過山車，嚟個真正嘅體感同步體驗！可惜要排 120分鐘，所以我哋無玩到，唔知係咪更加刺激呢？不過我哋就去咗玩 「VR 森度行」，以第一身一睹生活在亞馬遜雨林生活。
▲ 唔知點解「VR 森度行」只有英文同普通話導賞，好彩都唔會影響體驗。戴咗 VR 眼鏡就好似入咗森林一樣，體驗當地人生活，仲會宣揚要愛護森林嘅訊息，好有教育意義。但唯一美中不足就係 11分鐘嘅片內，片與片之間轉得太快，一時喺陸地，一時喺海洋。媽～我好亂呀！
Pinkoi 市集 60 個本地設計品牌駐場
由2017年12月23日至2018年1月1日，一連 10晚，海洋公園都會喺晚上 7:00至 11:00 免費開放。大家可以去海濱樂園廣場同食尚水都，行Pinkoi聖誕市集 同 去冬日浪漫花園打卡！人頭湧湧超有氣氛呢！當中有成60 個本地設計品牌，分成 4 個階段，輪流出場！
▲ 去 Pinkoi 官網 睇睇有咩本地原創好物吧！
▲ 下載 Pinkoi 手機 APP，登記成為會員，仲可以得到一張空白明信片，等你用印章親手設計自己嘅聖誕卡！
▲ 玩攤位唔一定去 AIA嘅！海洋公園嘅攤位都好易中獎㗎！眼見玩嘅人都唔會空手而回。我都用 $100 中咗隻俄羅斯娃娃呢！
海洋公園 x Pinkoi 聖誕市集
日期：2017年12月16至22日 (下午12時至晚上7時)
2017年12月23日至2018年1月1日 (下午2時至晚上11時)
地點：香港海洋公園
注：機動遊戲及非市集範圍需要另外購票才可進入。
聖誕展覽特集
Kuromi 迷必去！ 佻皮聖誕事務所 5大打卡位 x 超萌甜食店
葵芳全新 4萬平方呎戶外休憩空間！聖誕花海自拍牆 x 巨型松果環
粉色超夢幻 Starlight Garden！ 星光泡泡許願泉 + 夢幻迴旋熱氣球 空降沙田
小丸子 3 年 4 組聖誕聯歡會！VR 遊戲清潔班房 x 香港配音音樂劇
睇更多拍拖好去處！
FB： 依莉“詩”生活
IG： ErieDiary
網址：ErieDiary.hk
YouTube：Diary Erie
【延伸閱讀】
