香港嘅冬天唔會落雪，但上到 D2 Place 嘅天台一樣有飄雪！雖然呢個聖誕打卡點好似年年都差唔多，不過今年隔離嘅 D2 Place 二期就有好大嘅驚喜！繼上年嘅光影藝術展覽後，今年打造咗個神秘螢火蟲森林，既夢幻又神秘，我 依莉詩 覺得呢個係今個聖誕最值得去嘅情侶拍拖景點呢！而家就一齊去揭開森林神秘面紗，尋找冬螢足跡啦！
深入仙氣森林 與螢光蟲神秘互動
我 依莉詩 之所以咁鍾意呢個景點，除咗因為有靚靚影相位外，夢幻森林嘅環境無論佈置、燈光、氣味同霧氣都做得好有心思，而且各人拎住盛載神奇力量嘅玻璃瓶可以啟動互動裝置，呈現多個結合視覺同聽覺嘅夢幻效果，非常浪漫。
▲ 每個「探險家」都會拎住一個有神奇力量嘅玻璃瓶，只要放喺指定位置就會啟動互動裝置。
▲ 被燈光營造嘅螢火蟲包圍，無論喺現場定影相都一樣咁夢幻。
▲ 噴出嘅氣體有森森嘅氣味同霧嘅效果，加誕燈光就更似置身森林。
《螢の森 The Forest Light》
日期：2018年12月1日至2019年1月20日 (逢星期一暫停開放，12月24日及31日除外)
時間：中午12時至晚上9時
地點：D2 Place 二期 The Garage (G/F)
飄雪小木屋 營造奇幻氣氛
走出神秘森林，D2 Place 一期天台就有經典嘅飄雪森林，而今次正中間仲有一間精靈所居住嘅小木屋，童話氣氛 free up！喺度影相真係好似置身童話世界一樣呢！
▲ 一 如以往，天台飄雪次場會喺12月逢星期六、日及2018年12月22日至2019年1月1日下午3時至晚上8時30分 (每節25分鐘) 先有，而且飄雪場次必須憑入場證入場，記得留意點先入到去啊！
《精靈小木屋》
開放日期：2018年12月1日至2019年1月20日 [逢星期一暫停開放，12月24日及31日除外]
開放時間：中午12時至晚上9時
地點：D2 Place 一期天台花園 (於指定時間飄雪)
「Fast Pass」快速入場！
為咗大家有更好嘅體驗，D2 Place 嘅聖誕佈置一向有人流管制，唔想排咁耐隊，梗係要識拎「FAST PASS」！只要喺商場指定零售商戶消費滿指定金額就可以去二期顧客服務處換領即日「FAST PASS」進入賞螢森林同精靈小木屋。不但可以縮短排隊等待時間，仲可以優先自由選擇心儀場次。識揀梗係揀夜晚場啦！
換領日期：2018年12月1日至2019年1月1日 (逢星期一暫停換領，12月24日及31日除外)
換領時間：上午10時至晚上8時30分
換領地點：D2 Place 二期商場顧客服務處 (G/F, Holly Brown對面)
i) 即日指定零售消費滿HK$300*，可換領同日「FAST PASS」2套；或
ii) 即日指定零售消費滿HK$500*，可換領同日「FAST PASS」4套
*最多接受2張不同指定零售商戶之發票，每張發票最低消費HK$100
*每個場次設有限定「Fast Pass」名額，先到先得，換完即止
*消費並不包括市集、pop-up store及其他商場推廣活動之消費
*免費泊車優惠可同時使用
2018 聖誕好去處
【聖誕好去處】葵芳超浪漫5大打卡位！24呎高水晶聖誕樹+霓虹燈玫瑰牆+粉紅Cafe
更多一日遊路線！
長洲 1.5 日單車美食懶人包！食盡 7大小食 ＋ 張保仔洞探險