記得學生時期 Pixar 曾經喺香港文化博物館搞咗個展覽，當時真係人山人海，排成幾個鐘先入到場呢！今年慶祝彼思動畫30年，喺同地點舉辦《家＋友‧加油！》展覽。唔單止展出《怪獸公司》、《沖天救兵》同 《超人特工隊》嘅展品，仲有《玩轉腦朋友》?！我 依莉詩 就選擇咗第一日公開展覽參觀，估唔到星期六比想像中少人，連隊都唔使排就入到場呢！
5大卡通影相位 玩轉文化博物館
唔理膚淺好，定係港女好，但一個卡通展覽又點可以無打卡位！今次展覽就有 5組動畫角色：《玩轉腦朋友》總動員、《超人特工隊》一家、《怪獸公司》嘅毛毛同大眼仔、《反斗車王》嘅閃電麥坤，仲有《反斗奇兵》等緊 fans 近距離合照，有部份仲係唔使入場都影到呢！
▲ 未入門口就見到《玩轉腦朋友》嘅角色歡迎大家，仲有我最愛嘅阿愁?！ 
▲ 博物館樓梯就有《超人特工隊》帕波先生一家走出嚟維持秩序，不過樓梯係封咗嘅，所以只可以遠觀啊！
▲ 上到一樓平台就見到好有型嘅《反斗車王》閃電麥坤！影完就入場正式睇展覽。
▲ 喺長館一出嚟就有《怪獸大學》嘅毛毛同大眼仔等緊你。
▲ 樓番地下，唔好唔記得搵三眼仔 Selfie 啊！
▲ 當然仲有型仔鄧梓峰啦！哈哈～
300件精選展品 了解動畫製作過程
滿足完打卡慾望，係時候正正經經睇展覽。今次展覽以親情同友情為主，展出 300件以傳統媒介創作嘅精選作品。素描草圖、彩繪、分鏡圖及雕塑等，都係彼思藝術家歷年創作嘅成果。每個展區都有創作人訪問片段同以動畫介紹製作過程。原來一套動畫背後係咁有趣呢！
▲ 《反斗奇兵》嘅雕塑好搞笑，估唔到巴斯光年一開始設計時，係一個大頭 BB 呢！
▲ 《反斗車王》閃電麥坤一開始嘅眼神都有好大變化。
▲ WALL‧E 嘅眼神同阿愁有幾分相似啊！
▲ 鹹濕胡迪點解會搞成咁㗎？
▲ 《反斗奇兵》成員嘅 X光透露咗佢哋其實係玩具呢！
▲ 展覽仲有唔少數碼繪圖，例如《反斗奇兵3》。 
▲ 仲有《五星級大鼠》嘅數碼繪圖。 
▲ WALL‧E 嘅手繪。
▲ 臨走前可以發揮吓小宇宙，畫個自已鍾意嘅角色啊！
彼思動畫30年：家＋友‧加油！
日期: 2017年11月18日 – 2018年3月5日
地點: 香港文化博物館
開放時間: 星期一、三至五 10am – 6pm；星期六、日及公眾假 10am – 7pm；星期二休館。
入場費: $20標準票；$14團體票；$10優惠票 (持有博物館通行證免費入場)。
聖誕展覽特集
Kuromi 迷必去！ 佻皮聖誕事務所 5大打卡位 x 超萌甜食店
荔枝角的飄雪聖誕！置身迷你冰屋 + 欣賞奇異光影表演
葵芳全新 4萬平方呎戶外休憩空間！聖誕花海自拍牆 x 巨型松果環
粉色超夢幻 Starlight Garden！ 星光泡泡許願泉 + 夢幻迴旋熱氣球 空降沙田
小丸子 3 年 4 組聖誕聯歡會！VR 遊戲清潔班房 x 香港配音音樂劇
茶小熊尖沙咀夢幻登場！與鬆弛熊「心心眼」過蜜糖聖誕
Pixar 彼思動畫展覽重臨！阿愁玩轉沙田文化博物館
睇更多拍拖好去處！
FB： 依莉“詩”生活
IG： ErieDiary
網址：ErieDiary.hk
YouTube：Diary Erie
【延伸閱讀】
