依莉詩潛入海底廢棄船嚇餐飽!樂富環保免費鬼屋日夜任你闖

萬聖節就快到!如果睇開我 依莉詩 嘅朋友都應該知我年年都會介紹鬼屋,次次都又要驚又要玩!不過今年無時間去 OP 同 迪迪尼,唯有玩住樂富呢間免費鬼屋先啦!

 

驚嚇中滲入環保意識

年年樂富鬼屋預咗排餐死,不過唔使錢嚟講做到算有誠意。今年一樣,繼續有新主題、新鬼、新體驗,當中最特別係滲入咗環保元素,將鬼屋設計成海底廢棄船 。大家要成為搜索隊員潛入積水處處、怨靈神出鬼沒嘅船艙,收集唔同房間內隱藏嘅珍貴資源,拯救地球。搵珍貴資源嘅同時,有多隻怨靈會出嚟嚇你,有時都幾驚㗎!

 

 

▲ 還「鬼」嘅對白都同海洋同環保意有關,恐嚇我哋唔好掉膠樽落海!驚得嚟又好似學到少少嘢。

▲ 血腥屠房入面滿地都是非法捕魚所得的死魚,掛住嘅隱若係人同魚嘅屍體同殘肢,驚嘅到底係人,係魚,還是氣氛?

佈置認真有恐佈氣氛

雖然今年鬼屋改咗係 A區舉行,但面積同之前相約,有 8間房等你挑戰。說到氣氛同佈置,鬼屋化成船艙,排滿漁網同魚,相當認真,不過可能上年同長隆樂園合作,所以佈置同演員都比較專業。

▲ 呢隻「鬼」演得非常入戲,化妝都好認真呢!▲ 螢光迷幻場景永遠係鬼屋入面最靚,令人最放心嘅一 part。

跟 OP 一樣玩日與夜

由前幾年開始海洋公園就玩全日祭,部份鬼屋分開日與夜環節,估唔到今年樂富鬼屋一樣有呢個安排。中午衝鋒時段會將鬼屋變成雷射槍場,用雷射槍射屋內變種海洋生物鬥高分,等小朋友都唔洗驚又有得玩。

▲ 就算唔入鬼屋都可以玩屋外嘅攤位遊戲㗎!

 

依莉詩:「唔使捉住人衫尾,自己一個都行到啊!!!」

樂富鬼屋向來都比唔上 OP 同 迪迪尼,不過免費就無所謂啦!加上今次地點轉咗去 A區,排隊都排得舒服啲。至於驚嚇度,我覺得自己勁咗呢!唔使捉住人衫尾,自己一個都行到啊!!!(你懂的⋯⋯笑)

 

潛航凶間

地點:領展樂富廣場A區美食坊

日期:2017年9月15日至10月31日 (逢星期五、六、日、公眾假期及萬聖節正日)

時間:

衝鋒隊時段(適合任何年齡人士 / 1米身高以上)- 下午1時至4時

搜索隊時段 (適合自命「膽生毛」的你)- 下午4時30分至9時

 

長洲 1.5 日單車美食懶人包!食盡 7大小食 + 張保仔洞探險

港版小清境 – 塔門一日遊!食海膽炒飯 + 大草地放風箏

 

睇更多拍拖好去處!
FB: 依莉“詩”生活
IG: ErieDiary
網址:ErieDiary.hk
YouTube:Diary Erie



About 依莉詩

網媒出身嘅 90後,抱住「試咗先講」嘅精神。終日飲飲食食、遊走各大商場、小店尋找好去處。