依莉詩 平時同閨密行葵廣行到攰，都會過隔離新新都會廣場個天台休息吓。最近呢個 4萬平方呎戶外露天廣場搖身一變，鋪滿鮮紅瑰麗嘅冬日花卉！聖誕花自拍牆、巨型松果環，超多打卡位，仲有假草地，同充電位，想休息幾耐都得呢！
戶外聖誕主題花海任影唔嬲
以前3樓至5樓嘅戶外露天廣場都已經係休息嘅好地方，依莉詩 亦曾經係度同朋友傾過唔少心事。裝修完之後，多咗層梯式嘅花圃同假草地，唔使下下要坐樓梯，仲多咗個手機充電區同枱凳，真係 hea 都 hea 得舒服啲！
最正嘅係花圃會因應季節去轉換，而今次作為重開第一彈，就係超鮮艷嘅聖誕主題花海，四圍紅卜卜，輕輕低炒就可以影到花海靚相。兩邊嘅自拍牆亦鋪滿聖誕花同掛滿10款大小不一嘅花環，就算人多，一樣影到文青相。
▲ 今次係假期去，人流都幾多，唔少學生坐係假草地 hea，都仲可以攝到位影相嘅。 不過 12月 1日 至 26日呢度會搞市集，到時就可能影唔到花海啦！
▲ 但都唔使無心機！想影到無路人甲嘅靚相，自拍牆就係最好選擇！水平角度打文青又得！打斜影景深效果一樣得！
▲ 中間仲有個7呎巨型聖誕松果環，松果、堅果，加上星星同金色絲帶佈置，坐係中間就好似被森林包圍呢！
室內星願佈置向星星許願
影咁多相都仲未夠喉？入到室內當然仲有聖誕主題佈置啦！當中最搶眼就係由萬粒LED星星打造成嘅流星許願樹。星星嘅顏色會隨音樂變奏出唔同視覺效果，仲會定時上演音樂燈飾匯演及夢幻流星雨表演。喺樹下望上去都幾浪漫㗎！
▲ 可惜室內人始終都多，想獨佔許願樹影相都幾難，都係欣賞下就好了！
▲ 樹下有個六個型摩天輪車廂，粉色系幾時都咁浪漫呢！
同場加映：DIY聖誕花環
打完卡又休息過，就係血拼時間！新都會裝修之後變咗好多，仲多咗間勁大無印𠻹！平時唔點買嘢幾我，今次好難得咁，同 yoyo 一齊參加 DIY 聖誕花環工作坊！要以電子貨幣累積消費滿 $2,500 先有得整㗎！
▲ 日藉花藝治癒大師道後玉嬋一早已經準備好兩款配搭。金色松果加 bling bling 綠色絲帶就夠華麗。
▲ 新鮮松果配木星星係咪好大自然呢？
▲ 出盡九牛二虎之刀用鐵線繞呀繞，原來一啲都唔易整呢！
▲ 用咗成個鐘，兩個獨一無二嘅花環就延生咗啦～等我掛係屋企先！
星願聖誕
日期：2017年11月18日至2018年1月1日
地點：葵芳新都會廣場
聖誕展覽特集
Kuromi 迷必去！ 佻皮聖誕事務所 5大打卡位 x 超萌甜食店
荔枝角的飄雪聖誕！置身迷你冰屋 + 欣賞奇異光影表演
葵芳全新 4萬平方呎戶外休憩空間！聖誕花海自拍牆 x 巨型松果環
粉色超夢幻 Starlight Garden！ 星光泡泡許願泉 + 夢幻迴旋熱氣球 空降沙田
小丸子 3 年 4 組聖誕聯歡會！VR 遊戲清潔班房 x 香港配音音樂劇
茶小熊尖沙咀夢幻登場！與鬆弛熊「心心眼」過蜜糖聖誕
Pixar 彼思動畫展覽重臨！阿愁玩轉沙田文化博物館
睇更多拍拖好去處！
FB： 依莉“詩”生活
IG： ErieDiary
網址：ErieDiary.hk
YouTube：Diary Erie
【延伸閱讀】
