每年聖誕咁多個商場裝飾，我 依莉詩 最期待就係沙田新城市廣場嘅星光花園。雖然夜景特別難影得到靚相，但燈光閃閃真係好有聖誕嘅浪漫氣氛。至於今年亦無令我失望，星光花園變成2萬平方呎嘅粉紅色遊樂場，就好似落咗 IG 大熱嘅韓系粉色濾鏡一樣，無論日頭定夜晚一樣咁 Fancy 呢！
1) 日與不同的「嫩粉花牆迷宮」
第一個場景係由不同深淺層次嘅千禧粉色聖誕草打造嘅迷宮。日間嘅嫩粉仙境，亮燈後變得驚艷。花牆與花牆之間仲有一隻隻粉色嘅鹿仔同紅鶴同你玩捉迷藏。
▲ 燈光穿透粉色牆，再配上一朵朵玫瑰，變得比日間更驚艷。（photo by gensanworld )
▲ 用粉色嘅聖誕樹作前景就可以更突出人像嘅融入感。（photo by gensanworld )
▲ 唔同高度嘅花牆配上粉色門框更容易影出唔多層次嘅景深。 (photo by 庶民食の楽 )
2) 最夢幻「圓滿彩雲橋」
穿過呢條 100呎長嘅「圓滿彩雲橋」，就有被粉紅色同粉紫色包圍嘅感覺。橋頂排滿大大個圓形氣球，就好似一朵朵蘑菇雲飄喺半空，微弱燈光穿透下，就更加夢幻！
▲ 彩雲橋旁嘅粉色木馬，就好似要帶我哋飛上天一樣。(photo by 庶民食の楽 )
▲ 粉色燈光下，用 F1.4 光圈鏡影出嚟嘅散景效果就更夢幻。(photo by 庶民食の楽 )
3) 留住永恆「星光泡泡許願泉」
彩雲橋中間嘅有一個許願泉，頂端會噴出源源不絕嘅仙氣煙霧同泡泡，令四周迷漫一片。據說，只要穿上絲絨手套，伸出雙手令泡泡停留手心，如果可以喺穿破之前許願就可以夢想成真。
▲ 粉紅許願泉噴出圓圓嘅泡泡，非常浪漫。
▲ 要泡泡停留係掌心一啲都唔容易，試咗好耐都許唔成一個願呢！(photo by 大仁生活 )
4) 迷你「彩虹旋轉摩天輪」
「當生命似流連在摩天輪，幸福處隨時吻到星空」，走出花海迷宮，見到就見到呢個幸福嘅標誌。雖然摩天輪唔識郁，不過一樣感受都氣氛。
▲ 星期六、日仲會有美圖嘅職員用 Meitu 手機幫你影相。影完仲會免費即場曬番畀你𠻹！雖然手機同相機影出嚟嘅相成像方面始終有分別，不過係無打燈情況下，影到呢個效果算係唔錯了！
▲ 粉色嘅鹿仔咁可愛，令人心入面都小鹿亂撞啊！ (photo by gensanworld )
5) 「夢幻迴旋熱氣球」與幸福升空
熱氣球象徵住希望，同樣係滿滿童話感嘅物件。摩天輪下就有3個 10呎高嘅熱氣球，準備同幸福一齊升空呢！
▲ 升到半空嘅熱氣球慢慢轉動，好有童話感。 (photo by 大仁生活 )
▲ 走入熱氣球入面一齊升空吧！(photo by 大仁生活 )
▲ 熱氣球都幾蝦人影，如果唔打燈，好容易會有陰影，變成鐵窗邊沿。(photo by リー祖迪）
6) 回復童真玩「光影搖搖板」
喺粉色歐洲小屋前有一個真正玩得嘅小型遊樂場。3條發光嘅搖搖板真係玩得㗎！喺咁夢幻嘅地方玩，童真番晒嚟！
▲ 喺發光嘅搖搖板上一蹬一降，一高一低，真係好好玩呢！(photo by 大仁生活 )
▲ 係粉色歐洲小屋前影相，好有 IG 相嘅少女味道。
7) 自製場景「氹氹轉自主音樂盒」
搖搖板旁邊有個氹氹轉，可以自行將主題裝飾品搬上氹氹轉，成為不一樣嘅音樂盒，為浪漫嘅粉紅星光旅程劃上圓滿的句號
▲ 氹氹轉旁邊有好多飾品，可以自由放上去，影靚相！(photo by 大仁生活 )
▲ 仲有少女摯愛嘅獨角馬呢！
▲ 遊樂場唔止有得影相同玩，喺逢星期六、日及公眾假期即日消費滿港幣 $1,500 (最多2張不同商戶發票) ，可以換領一個粉彩色系、造型別緻的「粉彩Selfie棉花糖」𠻹！(photo by 大仁生活 )
▲ 如果指定日子即日消費滿港幣$2,000 (最多2張不同商戶發票)，仲可以參加「迷你音樂盒手作坊」。砌出獨一無二嘅旋轉木馬送畀戀人。
▲ 指定日子即日消費滿港幣$2,000 (最多2張不同商戶發票)，就可以參加「DIY裝飾蠟燭工房」，親手做出不一樣嘅聖誕禮物。
Rosy Christmas @ Starlight Garden紅粉夢樂園
日期： 2017年 11月 26日 至2018年 1月 14日
時間： 中午 12點 至 – 晚上 10點
地點： 新城市廣場一期七樓星光花園
聖誕展覽特集
Kuromi 迷必去！ 佻皮聖誕事務所 5大打卡位 x 超萌甜食店
荔枝角的飄雪聖誕！置身迷你冰屋 + 欣賞奇異光影表演
葵芳全新 4萬平方呎戶外休憩空間！聖誕花海自拍牆 x 巨型松果環
粉色超夢幻 Starlight Garden！ 星光泡泡許願泉 + 夢幻迴旋熱氣球 空降沙田
小丸子 3 年 4 組聖誕聯歡會！VR 遊戲清潔班房 x 香港配音音樂劇
茶小熊尖沙咀夢幻登場！與鬆弛熊「心心眼」過蜜糖聖誕
Pixar 彼思動畫展覽重臨！阿愁玩轉沙田文化博物館
睇更多拍拖好去處！
FB： 依莉“詩”生活
IG： ErieDiary
網址：ErieDiary.hk
YouTube：Diary Erie
【延伸閱讀】
