10 款台灣夜市小食!葵芳食品嘉年華開催|冰鎮醉鮑魚 + 蔡芯咖喱魚蛋

想掃街除咗飛去台灣,香港耐唔耐都有啲美食嘉年華!雖然呢個香港食品嘉年華無青衣戲棚咁多創意小食,但都有 50檔熟食同每天 2款架美食車坐陣。大腸包小腸、蚵仔煮、雞翅包飯⋯⋯好有台灣夜市風味呢!就等我 依莉詩 帶大家睇吓啦!

▲ 大腸包小腸 $25

煙韌嘅糯米腸加入花生,帶少少脆口,配埋台灣腸同中間嘅香菜,真係同係台灣夜市食嘅好似呢!

▲ 雞翅包飯 $25

雞翅包飯入面釀滿飯,雖然料唔多,不過雞皮燒得好香口。

▲ 蔥油餅 $12/片,20/2片

禾圃原嘅蔥油餅好香蔥味,好似食緊薄罉,不過就比較油,多幾個人分可能會更好。

▲ 蜜糖串燒金蠔 $30

金蠔非常飽滿,燒過仲相當香口。

▲ 燒帶子 $40

帶子雖然好大隻,都好爽口,但食落有少少雪味,未算特別吸引。

▲ 即燒蒲燒鰻魚 $25

鰻魚燒汁甜中帶鹹,相當惹味,但眼見好多骨,要咬多幾下先咁吞呢!

 

▲ 冰鎮醉鮑魚 $30

全場最特別係呢個美味媽媽嘅鮑魚,我對鮑魚敏感。試食就交畀阿仁了!佢就覺得鮑魚爽口,花雕味濃。

▲ 蔡芯咖喱魚蛋 $15

睇過老表你好嘢都應該聽蔡芯咖喱魚蛋呢首洗腦歌!有別於普通魚蛋,係用深海蛋做,非常彈牙,比起長洲大魚蛋更有魚味呢!


▲ 榴槤梳乎班戟 $30

呢排梳乎班戟幾乎係大小美食節都見到身影,不過做得好食嘅唔多。比起上次灣仔美食展,呢個算係正常,不過就無旺角嗰間咁氣蛋味同鬆軟。最好食都係上面啲榴槤蓉。

▲ 夢幻雙子星 $30 (右)

葵廣都有嘅 Color chacha 今次推出限定夢幻系列,粉紅系嘅蝶豆花士多啤梨奶唔止睇得,仲好香士多啤梨味,值得一試呢!

 

第6屆香港食品嘉年華

日期:2017年 10月 28日 至 11月 5日

地點:葵涌運動場(港鐵葵芳站C或D出口)

 

粉色系呃 like 甜品團!食盡荃灣 3大潮食店 – 玫瑰士多啤梨窩夫 X 山形縣白桃厚班戟

死場不再!10間平民食肆進駐荃灣新 Food Court – 嫩滑手撕雞腸粉 x 醒胃麻辣串

 

睇更多拍拖好去處!
FB: 依莉詩生活
IG: ErieDiary
網址:ErieDiary.hk
YouTube:Diary Erie



About 依莉詩

網媒出身嘅 90後,抱住「試咗先講」嘅精神。終日飲飲食食、遊走各大商場、小店尋找好去處。