依莉詩：「聽住跑步舒服又型格！」夢幻珊瑚色 Thecoopidea BEANS 入耳式真．藍芽耳機

呢幾個月特別多禮物要送，聖誕禮物、情人節禮物，仲有白色情人節禮物。不過都唔使頭痛嘅，今次我依莉詩又有好介紹。呢隻 Thecoopidea BEANS 真．藍芽耳機，設計簡約，仲有夢幻嘅珊瑚色，無論可愛型定運動型嘅女生都會鍾意吧！

珊瑚色+半透明拋光物料可愛又型格

講到全無線耳機大家都會諗起 AirPods ，佢靚唔靚仔就見人見智，不過 BEANS 就可愛又型格。呢款由本地品牌 thecoopidea 設計嘅全無線耳機，設計走簡約路線，除咗灰、白兩款顏色，最有驚喜就係珊瑚色，粉得嚟細細笠，相信唔少女生都會對佢心心眼。耳機表面用上半透明拋光物料，LED 提示燈微微滲出，一路聽歌就好似呼吸緊咁，既夢幻又型格。

▲ 珊瑚色加上 LED 燈微微滲出，好似呼吸緊咁，既夢幻又型格。

針對亞洲人耳窩設計舒服唔易跌

依莉詩最近鍾意咗跑步，戴中間有線嘅藍芽耳機感覺唔太方便，而 BEANS 就係真‧藍芽耳機，跑起上嚟輕鬆好多。起初我都會擔心始終無線連住兩邊耳機，會好容易丟失。好彩 BEANS 針對亞洲人耳窩設計，符合人體耳道形狀，加上比同類耳機小約 1/4，戴上去相當舒服。而且僅重 4.8g，就算跑成個鐘步，都唔覺累贅，亦無甩呢！加上IPX4防潑水設計，就算再大汗都唔怕，真係好適合做運動時聽歌。而且音質不錯，層次相當清晰，沒有刺耳感。唯一美中不足就係通話時收得唔多好，就算將一邊耳機拎落嚟都好，自己就聽得好清，但對方就投訴啲聲好遠同疾疾吓。睇嚟平時都係戴番中間有線嘅藍芽耳機比較方便，可以掛頸，隨時聽電話。