最近各區都開咗唔少新商場，就連旺角呢個商場密密麻麻嘅地方都一樣！旺角工貿中心不經不覺已經改建成新潮嘅商場，有唔少潮牌同美食進駐，就算仍在裝修嘅店鋪都畫滿塗鴉同放上霓虹燈，變成最潮影相位！不過，今次我 依莉詩 要講嘅，其實係地庫嘅「旺角煮場」，雖然佈局與 Food Court 無異，但其實穩藏咗 6間星級食府，當中我食咗 3間都覺得幾有驚喜！
6間星級食府登陸彌敦道 700號
呢個名為 T.O.P 嘅新商場今個月開業，已經開業嘅大部份都係食肆，自此去旺角又多個搵食新地標！當中地庫嘅 6間星級食府可以話係見報率最高！其中北海道拉麵店｢味の時計台｣就係最受歡迎嘅過江龍，而眼見最多人排龍，幾乎全場都食緊嘅就係來自美國路易斯安那州的炸雞專門店｢Pope
▲ 清邁咖喱牛肉湯麵 $58
呢碗「清邁金麵」非常特別，上面用小麥製作嘅雞蛋麵，炸成燦爛金黃嘅金麵，中間夾住軟腍牛肉，底層有由椰奶等天然香料烹調而成嘅咖喱湯底同麵條。兩種口感，上層脆卜卜，下層軟滑，充滿椰香，唔算太辣，夏天食夠晒開胃！
▲ Khaosoi House 喺泰國非常出名，清邁機場同台北車站都有分店，而嚟到香港，大廚將咖喱辣度微微降低，以配合香港人口味！
▲ 豚骨醬油叉燒拉麵 $89
豬骨湯底比較濃味，拉麵口感順滑，而厚切叉燒經過煎煮，入口油花即融，食起嚟更香口。
▲ 味噌牛油粟米拉麵 $85
牛油溶化後，湯底變得更濃厚，不會過鹹，配上木耳、蔬菜、牛油粟米，更加清新不油膩。
▲ 味の時計台由社長志釜利行先生於1986 年創辦，45 年來一直穩佔北海道拉麵榜首， 分店遍佈日本各地。今次係第一次進駐香港。不過佢係唯一一間「煮場」內唔可以拎出出面食嘅餐廳，所以如果揀食拉麵就要全部一齊食啦！
▲ 2件炸雞加薯條、可樂套餐 $48
大力水手炸雞睇落似 KFC 炸雞，不過皮薄酥脆，肉質鮮嫩多汁，真係同 KFC 返炸又返炸嘅雞無得比！不過辣味雞真係好辣，就連包茄汁都係辣嘅！如果唔食辣，記得嗌唔辣呀！
▲ 爆谷蝦外皮鬆脆，蝦肉彈牙，真係食完一粒又一粒！
▲ 之前要食 Popeyes 大力水手炸雞都要去機場先食到，而家終於唔使去咁遠了！難怪咁多人排隊食啦！
各區美食精選！
地膽帶路！土瓜灣街頭小食 – 足料花膠魚肚粥 + 濃香米香腸粉
地膽推介！$150 掃盡 5大紅磡街頭小食 – 混醬班戟麵條 + 超大粒手製芋圓
死場不再！10間平民食肆進駐荃灣新 Food Court – 嫩滑手撕雞腸粉 x 醒胃麻辣串
粉色系呃 like 甜品團！食盡荃灣 3大潮食店 – 玫瑰士多啤梨窩夫 X 山形縣白桃厚班戟
大坑 2大呃 Like 甜品！ 粉色棉花糖燒 x 彩虹沖繩鹽刨冰
5萬呎水產市場登陸黃埔！九號水產 4大食店率先睇 – 蟹痴必掃北海道皇帝蟹
旺角 1日 4餐，由朝食到晚！青檸烏冬係劣食？韓系日式吉列牛一定正？
銅鑼灣 SOGO 地庫重開！5大人氣日本過江龍進駐 必食香脆海鮮煎餅 + 鹿兒島彈牙魚餅
元朗 4大人氣食店！必食北海道布丁燒 X 啖啖肉無骨雞翼包
屯門潮食集中地！紅橋 4大不得不吃的小食+主菜+甜品
睇更多拍拖好去處！
FB： 依莉“詩”生活
IG： ErieDiary
網址：ErieDiary.hk
YouTube：Diary Erie