就快農曆新年啦！人要賣新衫，商場都要換佈置。頭炮係 P助同粉紅兔兔！
The One 雖然無小雲咁搶鏡，不過粉紅色嘅夢幻花園一樣咁可愛！運吉遊戲仲好好玩添架！
5大粉紅影相位逐個捉
既然係粉紅兔兔既世界，花園佈景梗係以橙色及粉紅色為主調，配合新年大地回春，粉紅兔兔同 P助都忙住種花。中間嘅巨型桃花樹造型可愛，而旁邊嘅金桔園同水仙亭都好得意呢！雖然係新年裝飾，但就一啲都唔老土呢！
▲ 第一個影相位就係中間嘅巨型桃花樹，唔知影完係咪可以行番個桃花運呢？
▲ 旁邊嘅花混合咗絨毛製作，毛茸茸摸落超舒服呢！
▲ 第二個影相位就係水仙亭，睇下我幾勤力幫粉紅兔兔淋花！
▲ 第三個影相位就係涼亭，性格老實嘅小雞P助都有偷懶嘅時候，坐係亭園休息休息。
▲ 第四個影相位係金桔園，向來糊里糊塗嘅粉紅兔兔戴著眼鏡、駕駛農夫車送金桔，，而淘氣嘅粉紅小動物表情趣怪，
▲ 係中庭影完，唔好唔記得最後一個影相位呀！粉紅兔兔同 P助係地下露天廣場等緊你架！
小遊戲－迎「吉」接福農莊
依家嘅商場單單得影相位已經滿足唔到大家了，大部份都會有小遊戲玩。而今次 The One 只要消費滿 $100 再 like 佢哋 Facebook 專頁就可以玩夾吉遊戲。係一分鐘內夾 3個橙色大吉，就可以得到一張種子紙，有心機嘅可以種到雞冠花呢！以我呢個夾吉高手提提大家，要夾佢個頂先易夾架！
日期：1月7日至22日及2月4日至19日 (逢星期六及日)
時間：下午2時至6時
快樂農莊打印站
影咗咁多靚影，梗係要印出嚟啦！只要即場上載相片到 The ONE 微信帳號，就可以印出嚟了！(又係得微信…殘念…)
日期：1月 7日至 22日 及 2月4日至 19日 (逢星期六及日)
時間：下午2時至6時
甜蜜粉紅期間限定店
粉紅兔兔係日本爆紅，但係香港就好難搵到佢嘅精品，而係 L2 就有期間限定店賣多款粉紅兔兔同 P助精品，日版台版都有，都幾齊架！粉絲們要襯呢個機會去搶下啦！
日期：1月7日至2月19日
時間：下午4時至晚上8時(逢星期一至四)；中午12時至晚上8時(逢星期五至日及公眾假期)
備註：初一至初三(1月28日至30日)休息
▲ 唔知你識唔識分台版定日版呢？原來好易認，台版啲先實啲，而日版嘅粉紅兔兔啲個樣就可愛啲架呢！
▲ 粉紅兔兔筆袋 (HK$159)
新年氣氛 ★★★☆☆
必影指數 ★★★☆☆
必玩指數 ★★★☆☆
必買指數 ★★★★☆
Kanahei’s Small animals 新春萌遊花園
日期：2017年 1月 7日至 2月19日
地點：The ONE 中庭、地下露天廣場及 L2
【延伸閱讀】
