上次去 沙田亞蘇爾 食澳葡菜覺得幾好，今次就近近哋帶 YOYO元朗食。大家都知澳葡菜並非傳統嘅葡國菜，而係加咗澳門食材同口味嘅葡國菜，所以今次我 依莉詩 要介紹嘅係加入咗澳門直送食材嘅菜式，亦係平時喺澳門食到嘅味道！
▲ 沙梨頭手打墨魚餅伴葡式辣醬 $72
唔知大家有冇食過沙梨頭「華軒美食」嘅香煎墨魚餅撈粗呢？嗰種彈牙嘅口感可以話一試難忘！呢度都可以食到手打墨魚餅呢樣澳門名物，墨魚餅一樣彈牙有口感，外脆加咗炸粉，變得更鬆脆。
▲ 墨魚餅炸粉唔太厚，一樣厚肉彈牙。
▲ 惹味非洲雞配薯菜 $148
非洲雞可以話係數一數二嘅特色澳葡菜，唔好以為係吉列炸雞，其實係將三黃雞慢煮3個鐘，再塗上花生醬、辣醬同大量香料，最後灑上滿滿椰絲，食落好香椰子味，少少辣，再帶少少甜，而雞肉亦好嫩滑，同個名一樣，好惹味！
▲ 路氹香脆豬扒包 $72
大利來豬扒包以前好出名，記得細個嗰陣特登搭車去食，3點開始賣，3點半就賣晒，不過後嚟轉咗做外賣店，賣到成差唔多 $50個真係好貴，而且都以前咁好食。而呢個變奏版唔止有豬扒，入面仲有生菜同蕃茄，成個Buger咁。豬仔包烤得好香脆，豬扒都好軟滑juicy，加埋薯角真係好飽肚。而我最鍾意係個馬介休炒滑蛋，嫩滑又有鹹香，好滋味！
▲ 十月初五蝦籽松露意大利麵 $128
十月初五蝦籽松露意大利麵就用咗澳門十月初五街老店「囍臨門」嘅蝦籽，加埋葡國腸同黑松露忌廉汁，鹹香得嚟又唔太膩，感受啱啱好！
▲蝦籽同黑松露絕對係呢個新版卡邦尼意粉嘅精粹！
▲ 路氹蝦醬炒雜菜 $78
蝦籽同蝦醬一樣係澳門特產 (雖然香港都有)，呢個路氹蝦醬炒雜菜就同咗澳門直送嘅蝦醬，唔會太鹹，但有淡淡鮮香，令雜菜更惹味。
▲ 黃金忌廉軟心多士伴movenpick 雲呢拿雪糕 $65
呢件西多比平時嗰啲高好多，食落好鬆軟，外皮少少脆，入面軟綿綿，加上Mövenpick雲尼拿雪糕一冷一熱，刺激又滿足！
▲ 西多外脆軟心，要趁熱食呢！
▲ 特飲嘅名都好有澳門風情，一杯叫東望洋，一杯叫加士蘭花園，都係地標嘅名呢！
亞蘇爾
地址：元朗元龍街9號形點1期2樓2056號舖
各區美食精選！
旺角慢煮快食新體驗！6間中日泰美食登陸彌敦道 700號｜北海道拉麵X清邁咖喱麵
地膽帶路！土瓜灣街頭小食 – 足料花膠魚肚粥 + 濃香米香腸粉
地膽推介！$150 掃盡 5大紅磡街頭小食 – 混醬班戟麵條 + 超大粒手製芋圓
死場不再！10間平民食肆進駐荃灣新 Food Court – 嫩滑手撕雞腸粉 x 醒胃麻辣串
粉色系呃 like 甜品團！食盡荃灣 3大潮食店 – 玫瑰士多啤梨窩夫 X 山形縣白桃厚班戟
大坑 2大呃 Like 甜品！ 粉色棉花糖燒 x 彩虹沖繩鹽刨冰
5萬呎水產市場登陸黃埔！九號水產 4大食店率先睇 – 蟹痴必掃北海道皇帝蟹
旺角 1日 4餐，由朝食到晚！青檸烏冬係劣食？韓系日式吉列牛一定正？
銅鑼灣 SOGO 地庫重開！5大人氣日本過江龍進駐 必食香脆海鮮煎餅 + 鹿兒島彈牙魚餅
元朗 4大人氣食店！必食北海道布丁燒 X 啖啖肉無骨雞翼包
屯門潮食集中地！紅橋 4大不得不吃的小食+主菜+甜品
睇更多拍拖好去處！
FB： 依莉“詩”生活
IG： ErieDiary
網址：ErieDiary.hk
YouTube：Diary Erie