依莉廚房,燶咗先講! My Melody 班戟秘笈

話說餵蚊最近係 7仔見到個 My Melody 煎plan ,於是就偷偷買嚟送咗畀我依莉詩。我當然好鍾意啦!不過佢好快就後悔了!知未係因為我廚藝太好囉!

煎plan惹的禍

Melody 精品四圍都有,點解呢個咁特別呢?原來佢放係雜誌架,包到成本雜誌咁賣,女仔見到雙眼發光,就算係男仔,係雲雲 IT 雜誌中見到,自然覺得與別不同,即刻諗係女神 BB 煮飯個賢淑樣,於是就賣佢番屋企啦!事實證明咗,糖衣嘅包裝往往係地獄嘅開始。當買咗呢個 Melody 煎plan 之後,就代表住呢個星期嘅早午晚餐都係班戟了!

▲ 無錯,呢個 Melody 煎plan 粉紅色包裝非常可愛,上面仲有日系風格嘅 Melody 加持真係迷到萬千少女。當然我望都係時候都充滿無限幻想,即刻廚神上身。

▲ 每盒入面都會有一個粉紅色 Melody  煎plan 同一本日文 Cookbook,唔識睇日文唔緊要,入面圖文並茂教晒你!

▲ 煎plan 中間有個凹入去嘅 Melody 大頭,成整圓形又得,整 Melody 頭都得。而煎plan 用料唔差,用過都唔怕 plan 底變黑。

失敗者秘笈

自古成功在嘗試,無心食就千奇唔好試!雖然煎 Pancake 本身唔係難事,經過多番失敗後,我都記低咗少少心得。

1. 千奇唔好塗油煎,唔係 Melody 就會面目模糊。

2. 有電池爐就最好,唔係就用外圈最細火,令火力均勻。

3. 煎幾耐視厚薄而定,見個邊有少少乾就可以翻轉。

▲ 最後,用一般預拌粉加指定份量嘅牛奶同蛋就可以煎。不過就一次過要整廿幾三十塊,唔想浪費,其實都可以自己溝,不過失敗率就⋯⋯

1 塊 PlanCake 份量

蛋白⋯⋯⋯⋯1隻

蛋黃⋯⋯⋯⋯1隻

低筋麵粉⋯⋯15g

砂糖⋯⋯⋯⋯20g

牛奶⋯⋯⋯⋯1/2 tsp



About 依莉詩
網媒出身嘅 90後,抱住「試咗先講」嘅精神。終日飲飲食食、遊走各大商場、小店尋找好去處。