IKEA 有對手!銅鑼灣 HMV $5 熱狗任加醬汁勁抵食!

講到平食熱狗,一定會諗起 IKEA,$10個熱狗餐,對我 依莉詩 呢啲係銅鑼灣嘅打工仔嚟講,真係糧尾好伙伴!但今日竟然比我搵到加平嘅熱狗,$5 有交易,想食豪少少都係 $12 ,仲可以任加醬汁,真係平到嘩嘩聲!

芝麻包更香,腸更粗

估唔到 $5 熱狗所在地並唔係茶餐廳,而係銅鑼灣 HMV。繼開完cafe後,今次就係2樓近扶手電梯位置開設熱狗店。位置唔算大,不過都有少量枱凳比大家快快食!當中有兩款熱狗,$5 熱狗用咗法蘭克腸,而 12 熱狗就用咗加拿大芝士腸或者辣味腸。唔單止條腸粗過 IKEA 熱狗,仲有得任加醬汁同配料,真係超抵食!

▲ 不過 $5熱狗只可加茄汁、芥末醬、千島醬同酸瓜醬,但都多款過 IKEA 呢!

▲ 而 $12熱狗就可以加粟米、肉醬、洋蔥同紅黃椒粒。加完熱狗即刻升值幾倍!

▲ 比起前面隻食慣食熟嘅 IKEA 熱狗,$5 熱狗條腸更粗,包更香口呢!

▲講到啲熱狗咁平!但出名平食嘅葵廣,一隻鹹牛肉炒蛋熱狗都要 $23㗎!

▲ 以後又多一個醫肚好地方了!

HMV Dog

地址:銅鑼灣百德新街 22-36 號名珠城 2 樓
營業時間:11am-9pm

 

銅鑼灣 SOGO 地庫重開!5大人氣日本過江龍進駐 必食香脆海鮮煎餅 + 鹿兒島彈牙魚餅

Hello Kitty 入侵 灣仔築地 大搞櫻花祭! 呃 like 必食 6款 Kitty x 櫻花美食

 

睇更多拍拖好去處!
FB: 依莉詩生活
IG: ErieDiary
網址:ErieDiary.hk
YouTube:Diary Erie



About 依莉詩
網媒出身嘅 90後爛玩精,抱住「試咗先講」嘅精神。終日飲飲食食、遊走各大商場、小店尋找好去處。