騎呢定健康?依莉詩試食靈芝人參月餅!

一個月餅等於幾碗飯!特別係傳統蛋黃蓮蓉月餅,食多幾個,隨時未到中秋已經肥幾磅!試問啲長輩點受得到?所以送禮真係件幾頭痕嘅事!最近我 依莉詩 就發現咗呢款食材矜貴得嚟,味道同質感都好似傳統月餅嘅靈芝人參月餅,最緊要係夠健康,好啱送畀伯母食呢!

迷你月餅唔怕食過多

近幾年愈嚟愈興食迷你月餅,迷你流心奶皇月餅更加已經賣斷市,始終細個啲一次過唔使食咁多嘛!呢盒靈芝人參月餅一盒有 4個迷你月餅。雖然個盒唔大,不過包裝都幾靚同得體,簡約嘅啡色硬盒上面寫上「花好悅圓」,入面每個月餅都有獨立紙盒包裝,每個盒都有唔同圖案,花、雀同楊桃都好有中秋氣色。

 

▲ 相比起簡約嘅外盒,入面嘅細盒更加精緻。

養生食材食得健康

傳統月餅同健康好似大纜都扯唔埋,而呢個月餅由維特健靈推出,又好似唔同講法。大家都知維特健靈一向出健康食品,今次出月餅都係以健康為主,所以一個月餅就有五色靈芝同人參,雖然比例應該唔多,但能益氣血、生津液、安精神。以月餅嚟講,唔使 $300 一盒算係抵。而主要餡料以棗蓉、亞麻籽油同海藻糖代替蓮蓉,食落就更加健康。

 

口感味道似足傳統月餅

雖然話靈芝同人參加入去月餅好奇怪,但外型同口感其實好似傳統蓮蓉月,不過就無蛋黃咁解。香口嘅外皮加上棗蓉少少腍口,第一啖咬落去真係好似傳統月餅。但甜味散發之後,就會有一陣藥材嘅苦味,帶點回甘。坦白講,可能要食開藥材嘅朋友先會接受到,不過我相信為食嘅長輩們一定 like 嘅!因為夠應節,又食得健康嘛!

▲ 無論外貌定口感都十足十傳統月餅,不過就無我最愛嘅蛋黃,要食得相對健康無辦法啦!

 

維特健靈 健.悅迷你月餅 (4件裝)

售價:$ 299

網址:https://www.vitagreen.com/all/gift-sets/Mini-mooncake



About 依莉詩

網媒出身嘅 90後,抱住「試咗先講」嘅精神。終日飲飲食食、遊走各大商場、小店尋找好去處。