仲有幾日就情人節，諗好節目去邊放閃未呢？今年情人節係平日，又去唔到好遠嘅地方，不如近近哋放工去葵芳新都會廣場吧！上次介紹嘅聖誕花海，最近就變身粉色系嘅繡球花同杜鵑花花海，加上多個心心燈穿插，充滿浪漫氣氛。仲有 3個靚靚情人節影相位，每個都有射燈照住，日頭夜晚一樣影到靚相呢！我 依莉詩 就提早去咗打卡啦！餵蚊仲即場摘咗支白玫瑰送畀我𠻹！
1) 粉鑽心心 – 大玩戀愛占卜
情人節放閃打卡絕對係指定動作，戶外廣場中間就有個高逾11呎嘅粉鑽心心，日頭粉紅玻璃切割好華麗，夜晚仲會發出光芒好迷人，情人可以上台影相，成為廣場焦點。呢個仲唔止係影相位咁簡單，仲係一個戀愛占卜裝置，只要男女雙方各伸出一隻手，同時按下心型按掣，心心就會發出唔同顏色，透露兩人嘅將來。
▲ 只要按下旁邊心型按掣，巨大心型會轉變出粉紅色、粉藍色或靛紫色，透露兩人嘅將來。(當然全新都係好意頭㗎啦！)
▲ 嫌企係中間影太老土，不妨用唔同角度影合照呢！
2) 巨型情人卡 – 砌字表白
呢張高8呎嘅巨型情人卡日夜同樣有唔同感覺，日間色彩繽紛，夜晚夢幻動人。左頁嘅戀戀花牆佈滿彩色玫瑰，右頁粉紅心形可以用磁石字母砌出子句，表達心意。
▲ 夜晚花牆未算特出，但右頁就非常夢幻。
▲ 心心內可以自己砌出不同未句，變成獨一無二嘅情人卡。
3) 心形花圈 – 被愛包圍
廣場另一邊有個以玫瑰花及繡球花設計嘅心形花圈，充滿浪漫感覺。
▲ 夜晚會有燈光喺花圃中滲出，感覺好神秘。
4) 繡球杜鵑花牆 – 「永遠屬於你」
除咗 3個大型裝置，廣場四周嘅花牆同花圃就換上粉色系嘅繡球花同杜鵑花，後者花語更加係「永遠屬於你」，夠晒 sweet。而且中間仲有好多心心燈，夜晚一樣好feel。
▲ 夜晚心心燈會亮起， 又係另一番景象。
▲ 繡球花就好似一個個新娘花球咁靚。
▲ 絲絨玫瑰仿真度好高。
免費做會員 – 即摘玫瑰冧情人
情人節玫瑰花升價幾倍，未必個個男士都負擔得起，呢度就準備咗1,001朵來自肯雅嘅玫瑰花，畀男士即採摘，仲有專人包裝成小花束送畀情人。只要係場內指定商戶以電子貨幣累積消費每滿HK$500或以上，或者下載「My Living Pass」的手機應用程式並登記成為會員就可以摘一支了！
日期：2月3、10日至11日
時間：下午3時至5時
日期：2月14日
時間：晚上6時至8時
換領地點：L2 顧客服務中心
▲ Like「Metroplaza (SHKP)」Facebook專頁仲有免費棉花糖食𠻹！夠晒sweet啦！
小型甜蜜市集
想再增加氣氛？廣場旁邊有多個美食同特色品牌嘅小攤檔，售賣甜品、美酒與香水等等延續浪漫氣氛嘅必備神物。如果大家打算有下場的話不妨睇睇。
▲ 呢個帝京酒店嘅「盆菜」，其實係蛋糕呢！
▲ SPR‧
新都會廣場「戀戀花海」
日期：即日起至 2018年 2月 28日
地址：新都會廣場(葵芳興芳路223號)
更多情侶放閃必技！
【情侶自拍攻略】學識呢幾招女朋友包滿意！自拍婚紗 10大 拍攝 + 後製 技巧大公開 (上集)
【情侶自拍攻略】學識呢幾招女朋友包滿意！自拍婚紗 10大 拍攝 + 後製 技巧大公開 (下集)
【情侶自拍攻略】 呃like必備！自拍放閃 10大 必備 Pose
【情侶自拍】影出不一樣的放閃相！香港兩大主題樂園影相位逐個捉 (上集)
睇更多拍拖好去處！
FB： 依莉詩生活
IG： 依莉詩美食地圖
網址：ErieDiary.hk
YouTube：Diary Erie
【延伸閱讀】
