依莉詩 in ETV胃食四處尋

濃郁魚介風味！日本沾麵專門店登陸尖沙咀 – 風雲丸第二分店

呢幾年香港愈開愈多沾麵店，當中更有唔少係日本人氣過江龍，單單喺尖沙咀就已經有拉麵一燈、一幻等長龍店。估唔到就連上年來港嘅風雲丸都係尖沙咀開第二分店！一向鍾意食沾麵嘅我依莉詩當然要去試吓啦！

▲ 特濃山椒魚干沾麵 $98

既然風雲丸都唔係第一次食，今次就試咗呢季限定嘅特濃山椒魚干沾麵。初初唔知魚干應該點食，就咁咬真係好硬，後尾先知係放入湯到，果然放入湯之後令魚介味更加濃郁呢！

▲ 肉盛豚骨魚介沾麵 $128

無論拉麵定沾麵，一塊肥厚嘅叉燒絕對可以令一切昇華。呢個肉盛豚骨魚介沾麵絕對可以推介畀一眾食肉獸，4片又厚又大嘅叉燒啖啖肉，外面微微煎香，令叉燒唔會太油膩，不過食晒真係會飽足全日呢！

▲ 豚骨魚介湯係沾麵嘅精粹，味道濃郁有厚度，配上比較粗嘅容易做到掛湯效果，相當唔錯。可惜要「相機食先」，搞到就算用石鍋上都已經放涼了，還好嘅係，湯唔夠熱，味道依然濃郁！

▲ 我最愛嘅糖心蛋都一樣流心呢！

風雲丸 Fuunmaru

地址：尖沙咀麼地道30號Mody House地舖

各區美食精選！

睇更多拍拖好去處！
FB：依莉“詩”生活
IG： ErieDiary
網址：ErieDiary.hk
YouTube：Diary Erie

尖沙咀日本沾麵風雲丸魚介

依莉詩 :網媒出身嘅 90後，抱住「試咗先講」嘅精神。終日飲飲食食、遊走各大商場、小店尋找好去處。