【聖誕好去處】葵芳超浪漫5大打卡位!24呎高水晶聖誕樹+霓虹燈玫瑰牆+粉紅Cafe

雖然仲係11月,但商場嘅聖誕佈置已經陸續亮燈啦!我 依莉詩 咁鍾意聖誕,當然要出動,去均全港九嘅靚靚商場佈置影相啦!今次就去咗葵芳新都會廣場嘅露天花園,當中嘅玫瑰花海、霓虹燈打卡牆同水晶玫瑰聖誕樹,無論日頭定夜晚去都一樣咁浪漫呢!

超浪漫5大聖誕打卡位

記得葵芳新都會廣場上年重新裝修完第一炮就係聖誕燈飾,當時嘅聖誕花海就係好靚,今年都無令人失望,聖誕花換成4色玫瑰花,再加上粉紅色嘅歐式Rosy Pop-up Café,日頭歎住下午茶賞花很不錯。一到夜晚,24呎水晶鏡房聖誕樹、燈光閃閃星光隧道同霓虹燈牆就更加係一流打卡位呢!

 

打卡位1:24呎高水晶聖誕樹

講到最靚嘅影相位就係露天廣場正中間、24呎高嘅水晶玫瑰聖誕樹,聖誕樹頂掛著閃亮嘅星星,頂部同中層均鋪滿紅玫瑰,而兩層之間就有一朵巨型水晶玫瑰,外型搶鏡。而聖誕樹入面由不同角度鏡面營造「萬花筒」效,中間有兩支5呎嘅高水晶玫瑰盛放,非常華麗。

 

▲每逢星期日3時及5時,鏡房內仲會有花瓣落下,形成吹雪,走到入走真係夢幻又浪漫!

▲不同角度嘅鏡面可以影輕易影到萬花筒效果!

打卡位2:霓虹燈玫瑰牆

另一個影相位就係入口處嘅兩旁霓虹燈牆,青草牆上面掛住幾個以玫瑰做主題嘅霓虹燈。除咗可以用嚟甜蜜放閃之外,更有一個係由「Friendship」字樣串連嘅兩朵玫瑰,啱晒閨蜜齊齊影!

 

▲ 呢幅「Friendship」霓虹燈牆絕對係獨特嘅友情認證!

▲ 而呢幅傳聲筒嘅牆,無論朋友定情侶,一人企一邊都可以傳遞心意。

打卡位3:四色真‧玫瑰花海

從入口處出發會走過一個個星星拱門,上萬朵艷紅、嫩粉、暖黃及橙紅嘅玫瑰種滿梯間。無論日頭定夜晚都有獨特嘅氣氛。每晚6時正、7時正、8時正、9時正及10時仲會上演浪漫璀璨嘅玫瑰燈光匯演,大家一定要睇呀!

 

▲ 空中花園打造咗片唔係好大嘅玫瑰花海,就下角度都影到靚相㗎!

打卡位4:空中粉紅Cafe

花海旁邊有間英倫風嘅粉紅限定Rosy Pop-up Café,售賣玫瑰岩鹽千層餅、玫瑰草莓芝士奶蓋同維納斯之心,全部都係滿滿少女心嘅粉紅甜點呢!大可以同閨蜜坐喺茶座,休閒咁吹水,等待晚上夜冪降臨。

 

▲ 歐式Rosy Pop-up Café 由 White Button Café & Dessert 主理,旁邊嘅粉紅茶座真係好有少女味!

▲ 另一邊仲有歐式油畫畀大家影相。

▲ 呢幅粉嫩玫瑰花牆加埋係打卡熱點!

打卡位5:小清新攝影牆

走入商場,雖然今年無大型佈置,但都有一幅小清新攝影牆,粉色圍欄掛上一朵朵玫瑰,充滿庭園感覺,置身其中就好似一個私人影樓,想點影就點影!

「Christmas Rosemance玫瑰花之園」
日期:2018年11月10日至1月1日
地點及開放時間:L3-L4露天廣場(上午10時至晚上10時)
玫瑰吹雪效果時間:逢星期日3時及5時
玫瑰燈光匯演:每晚6時正、7時正、8時正、9時正及10時正,全長約3分鐘

White Button Rosy Pop-up Café
日期: 2018年11月10日至12月16日(逢星期五至日)
時間: 下午1時至8時
地點: L5 空中花園

 

2018 聖誕好去處
【聖誕好去處】葵芳超浪漫5大打卡位!24呎高水晶聖誕樹+霓虹燈玫瑰牆+粉紅Cafe
【聖誕好去處】愛麗絲入侵沙田星空花園!12大玩味打卡位

 

更多一日遊路線!

長洲 1.5 日單車美食懶人包!食盡 7大小食 + 張保仔洞探險

港版小清境 – 塔門一日遊!食海膽炒飯 + 大草地放風箏

由黃大仙走到九龍城! 半日遊深度體驗香港傳統文化

情侶放閃必去!精選 10大假日輕鬆好去處 (上集)

情侶放閃必去!精選 10大假日輕鬆好去處 (下集)

 

睇更多拍拖好去處!
FB page: 依莉“詩”生活
美食 IG: ErieDiary
打卡 IG:ErieDiaryhk
網址:ErieDiary.hk
YouTube:ErieDiary


About 依莉詩

網媒出身嘅 90後,抱住「試咗先講」嘅精神。終日飲飲食食、遊走各大商場、小店尋找好去處。