原石+木材的天然質感!港產手作眼鏡品牌 UNSUIKYO

對上班族嚟講,眼鏡除咗用嚟糾正視力,更重要係戴出個人風格!好似我 依莉詩 呢啲四眼妹,寧願日日戴 con,搞到對眼又乾又澀,都唔想戴一副薯 look 眼鏡返工!最近有朋友介紹咗呢個本地原創嘅眼鏡品牌 UNSUIKYO 畀我認識,雖然價格未算太親民,但就特別地以天然原石同木材打造,充感原始美,型格之餘滲透點點文青氣色,啱晒要求生活品質嘅你!

融合都市x大自然質感

UNSUIKYO 由兩位80後設計師 Brian.C 同 Cat Lee 主理,品牌取材自《幽靈公主》中嘅⽩⾕雲⽔峡,以質感豐富嘅原⽯同優質⽊材加入融合技術製作出一副副獨一無二嘅眼鏡。正因為以天然物料做成,每一副嘅質感同紋理都唔同,顏色自然,而且低調細緻,就好似藝術品一樣!

▲ Experience of Nature 太陽眼鏡系列就同⽯頭表達⾃然物料真實⼀⾯,其中Boundless款式以銀梨⽊材為底材,加上巴⻄⾦⾊啞⾯幻彩⾦麻⽯製成眼鏡框,再配合新潮啞⾯⾊鏡⽚,呈現⾃然與時尚嘅美!

▲ 唔好以為用石用木質做眼鏡框會好重,但拎上手其實仲輕過好多膠框眼鏡呢!

▲ 品牌嘅 Logo 都好有心思,細心睇會發現有隻鹿係草叢入面休息緊。

▲ 眼鏡框保留住⾃然紋理,係繁忙工作中,仍然可以感受⼤⾃然氣息。

▲ Mixed Clip系列突破傳統設計,底材⽤上⿊胡桃原⽊,⾯層以⿊⾊啞⾯火燒花崗岩製成鏡框,再加上可輕易拆下嘅太陽鏡片架,十分特別。

為生活帶點生氣

熱愛大自然又無時間出去,除咗一副有自然氣色嘅眼鏡,書枱放一個 Greenology 生態球就可以為繁忙嘅生活帶點生氣!生態球入面住咗十多隻蝦仔,唔洗換水,又唔洗餵食,非常適合放喺 Office 做寵物!

▲ 諗唔到嘢,腦閉塞嘅時候,睇住蝦仔游嚟游去心情都立即放鬆晒!

PS:雖然今次係為朋友嘅親戚而介紹,但佢哋嘅眼鏡框真係好特別,而且佢哋為實現夢想真係好努力,港人品牌梗係要支持啦!喺度要講句唔好意思,因為太懶一路都未寫呢篇文,搞到間 Pop-up store 都搬走咗,如果有興趣就去以下網址買啦!(放心~小編無佣抽的啊!)

UNSUIKYO

網址:https://unsuikyo.com/

Facebook:https://www.facebook.com/unsuikyo/

 

更多 Gadgets 試用!

聖誕送禮推介!北歐風 Sudio Vasa Blå 藍牙無線耳機

依莉詩新玩具:「喇叭 x 床頭燈,仲幫你 call 埋 Uber 添!」- WITTI Beddi Glow 智能鬧鐘

缺少呢 3點,尿袋幾大都無用!依莉詩教你揀流動充電器

直播再不是照妖鏡!素顏拍片都不怕!自拍神器 美圖T8 上手玩

 

睇更多拍拖好去處!
FB: 依莉“詩”生活
IG: ErieDiary
網址:ErieDiary.hk
YouTube:Diary Erie



About 依莉詩

網媒出身嘅 90後,抱住「試咗先講」嘅精神。終日飲飲食食、遊走各大商場、小店尋找好去處。