新年打卡要潮啲!黃大仙免費旗袍體驗 變身《花樣年華》《延禧攻略》主角

去日本會租和服、去韓國又會著韓服,但點解喺香港會無人著旗袍呢?不如就趁新年,影輯中式靚相賀下年啦!最近中環一帶開咗幾間旗袍租賃店,主打遊客生意,所以有少少貴,如果想平啲,今次我 依莉詩 就介紹大家去黃大仙中心體驗啦!

免費新春服飾全家福

新年去黃大仙除咗上頭柱香,今年仲可以一家大小影靚相!只要即日以電除消費消費滿 $500 就可以全家 (每次最多4位參加者) 齊齊免費著穿新春服飾,扮《延禧攻略》主角,影張靚靚全家福 Send 畀親友拜年!唔單止送兩張相片,仲可以著住出去黃大仙祠同公園,4 小時內去影相又得,近近哋去親友屋企拜年又得!

▲ 款式方面都幾多,有旗袍、清朝服飾,連龍袍都有。最開心嘅係,男女款唔同尺碼都有,就連我得 150cm (+10cm 高跟鞋) 都有啱長度嘅旗袍 (哈哈)!

$1200 影60年代 Pre-wedding

著旗袍唔化妝、set頭好似差啲嘢咁,而家只要畀 $1200 就可以影一輯《花樣年華》風格嘅輕婚妙攝影!費用包咗旗袍+長衫、專業攝影師、化妝及髮型設計,除咗 1小時攝影服務同20張 (JPEG 格式)簡易色彩調整相片,仲有4小時旗袍體驗俾你去戶外繼續自拍!

▲ 雙人婚嫁輕攝影需要前三天致電6684 9661 預約。

免費 4 小時旗袍體驗

著住旗袍 4個鐘可以去邊度?除咗店內佈景同商場內嘅佈置外,有足夠嘅時間去黃大仙祠同公園慢慢影,加上旗袍唔會好似和服咁難走動 (除非對高跟鞋剔腳^^”),所以可以慢慢去黃大仙一帶取景,一邊體驗不一樣嘅香港特色。

▲ 平日著旗袍可能怪懂哋,但新年去黃大仙祠同公園就絕對唔會有格格不入嘅感覺啦!

▲ 鍾情香港獨有文化的話,可以睇下我之前寫嘅呢篇文「由黃大仙走到九龍城! 半日遊深度體驗香港傳統文化」,著住旗袍行呢條路線可以別有一番風味㗎!

新年懷舊旗袍體驗
日期:1 月 12 日至 3 月 31 日
時間:每日 11am – 7pm
地點:#黃大仙中心 北館 G 樓 G01A 店

 

2019 新年好去處特集

新年打卡要潮啲!黃大仙免費旗袍體驗 變身《花樣年華》《延禧攻略》主角

新年開運好去處!飛天少女豬事丁經典再現 寶妮飛到尖沙咀賀年

 

更多一日遊路線!

長洲 1.5 日單車美食懶人包!食盡 7大小食 + 張保仔洞探險

港版小清境 – 塔門一日遊!食海膽炒飯 + 大草地放風箏

由黃大仙走到九龍城! 半日遊深度體驗香港傳統文化

情侶放閃必去!精選 10大假日輕鬆好去處 (上集)

情侶放閃必去!精選 10大假日輕鬆好去處 (下集)

 

睇更多拍拖好去處!
FB page: 依莉“詩”生活
美食 IG: ErieDiary
打卡 IG:ErieDiaryhk
網址:ErieDiary.hk
YouTube:ErieDiary


About 依莉詩

網媒出身嘅 90後,抱住「試咗先講」嘅精神。終日飲飲食食、遊走各大商場、小店尋找好去處。