新年開運好去處!飛天少女豬事丁經典再現 寶妮飛到尖沙咀賀年

今年係豬年,個個商場都用萌爆嘅豬仔做佈置,而當中最吸引我 依莉詩 嘅就係有「粉紅粉紅趣緻的臉」嘅飛天豬 – 寶妮啦!無錯~今個新年,《飛天少女豬事丁》嘅寶妮同東仔,飛到尖沙咀 The One 同大家萌住過年!

《飛天少女豬事丁》7大影相位

8、90後嘅大家應該對《飛天少女豬事丁》一啲都唔陌生,有別於其他靚仔靚女嘅英雄卡通,女主角果林變身後會變成一隻大大力,識飛天嘅可愛豬嘜。帶上豬鼻變身嘅一刻真係超級可愛呢!動畫《飛天少女豬事丁》播出 24 年後,寶妮同東仔決定一齊飛到 The One 同大家一齊賀年。中庭唔單止有 3.5 米招財吉祥寶妮坐陣,女主角果林同男主角光一都換咗和服,旁邊仲有3 隻拿著揮春嘅紅綠藍小豬同大家拜年。見到呢啲咁經典嘅角色,童年回憶返晒嚟!

▲ 寶妮坐喺榻榻米上,一邊歎茶一邊賞櫻,而東仔就喺足湯旁邊休息,將煩囂拋「豬」腦後,好好地計劃一下豬年大計。

▲ 另一邊廂就有換上一身和服嘅果林同大家玩互動小遊戲,只要用巨型珍珠收集器幫佢收集珍珠,就可以得到精美嘅寶妮磁石掛勾啦!

▲ 光一係櫻花拱橋另一邊等緊果林。

▲ 土偶寶妮係動畫好少出現,唔知大家對佢仲有冇印象呢?

▲ 「風鈴部屋」內掛滿許願風鈴,仲有兩個寶妮頭罩,帶上去真係超爆笑!唔怪得果林咁想早日集齊 108 粒珍珠,變成自己心目中嘅女英雄,而唔係豬啦!

▲ 「達摩之屋」中間有個巨型寶妮達摩,唔知同佢許願會唔會夢想成真呢?

▲ 喺中庭影完相,記得落埋地下,一睹寶妮用絲帶收拾敵人嘅風采!

飛天豬 – 寶妮新春抱抱會

寶妮可愛又親民,2月 3日 至 24日,逢星期日 2點-4點,仲會同粉絲見面,只要下載 The ONE 手機 APP,就可以免費同寶妮合照啦!

消費換領「豬」籠入水利是封

迎接豬年當然要用豬利是封才更加應節!喺商場以電子貨幣即日消費滿 HK$500 就可以換到《飛天少女豬事丁》「豬」籠入水利是封一套。正面嘅寶妮唔單止有趣致激突豬鼻,又面仲印有寶妮同金幣圖案,高質又可愛!而消費滿 HK$1,200 仲可以換到寶妮新春迷你除塵器𠻹!

 

【The ONE x 飛天少女豬事丁 豬事吉祥遊樂園】

日期 : 1 月20 日 至 2 月24 日

時間::上午10 時至晚上10 時

地點:尖沙咀彌敦道100 號 The ONE UG2 中庭及地下露天廣場

 

2019 新年好去處特集

新年打卡要潮啲!黃大仙免費旗袍體驗 變身《花樣年華》《延禧攻略》主角

新年開運好去處!飛天少女豬事丁經典再現 寶妮飛到尖沙咀賀年

 

更多一日遊路線!

長洲 1.5 日單車美食懶人包!食盡 7大小食 + 張保仔洞探險

港版小清境 – 塔門一日遊!食海膽炒飯 + 大草地放風箏

由黃大仙走到九龍城! 半日遊深度體驗香港傳統文化

情侶放閃必去!精選 10大假日輕鬆好去處 (上集)

情侶放閃必去!精選 10大假日輕鬆好去處 (下集)

 

睇更多拍拖好去處!
FB page: 依莉“詩”生活
美食 IG: ErieDiary
打卡 IG:ErieDiaryhk
網址:ErieDiary.hk
YouTube:ErieDiary


About 依莉詩

網媒出身嘅 90後,抱住「試咗先講」嘅精神。終日飲飲食食、遊走各大商場、小店尋找好去處。