長洲休閒一天遊 – 賞櫻、行小店、睇日落

天氣暖返,證明春天來嚟喇!羊蹄甲、黃花風鈴木都盛開,又點會未輪到櫻花呢?喺香港賞櫻規模當然比不上日本,但大帽山郊野公園扶輪公園前嘅櫻花園、中文大學新亞書院合一亭草坪、將軍澳單車館公園都會有得睇!而今次我 依莉詩 就同餵蚊、大仁一家、祖迪去咗長洲賞櫻!

第一站:關公忠義亭前賞櫻

長洲關公忠義亭前嘅櫻花同日本嘅品種唔同,係 30多年前由台灣移植來香港嘅山櫻花,所以顏色比較鮮艷,花形比較細小,而且密集。雖然山櫻花屬溫帶粗生植物,但最初嘅40多株,到今日得返幾株。而我哋 3月 11日去暫時只有 1株滿咗 5成左右,相信下星期應該會更靚!

▲ 要去關公忠義亭並唔難,出碼頭向右行,見到藍色建築物轉左到昇昌里一直行,去到大新後街行5分鐘,見到報紙攤位轉左,到學校路上110級樓梯就會到達,全程只不過15分鐘。

地點:長洲山頂道 1 號

第二站:經典炸脾紅豆冰

睇完櫻花,又係時候去醫肚!次次都掃街食大魚蛋、芒果糯米糍,今次就嚟個反傳統,去食茶餐廳。呢間羊羊小廚無論環境定Menu都係普通茶餐廳,不過勝在夠人情味,老闆由一家都係長洲人,而食物製法都好經典。就好似今次叫嘅生炸雞脾同紅豆冰就係經典下午茶組合,加多件西多就 prefect!

▲ 西多入面夾住火腿同芝士,淋上煉奶、蜜糖同牛油,甜得嚟香口又滿足!

▲ 生炸雞脾大大隻,即叫即炸,皮脆又Juicy,配上茶餐廳風味嘅沙律,甜甜酸酸,粒粒清爽,減低唔少油膩感。

羊羊小廚

地址:長洲中興海傍街36號地下

3) 治癒文青小店

食完下午茶,去到一間手作店。島中坊研係由兩位長洲年青人創立嘅手作品牌。第二間分店最近開業,集工作室、零售與輕食於一身。以小島為主題嘅手作有鹽花、貝殼圖案,亦有由島上居民手造嘅魚網袋,將傳統和時尚溶為一體。新店嘅多咗輕食,大家可以安坐大樹下,同情人或閨蜜暢談,短暫忘記都市的煩憂。

 

▲ 島中坊研嘅作品清新簡約,有點點 muji 風格,同時亦融入長洲嘅特色。

 

▲ 新店有幾張枱,可以安坐大樹下,同情人或閨蜜暢談,短暫忘記都市的煩憂。

▲ 輕食價格相宜,窩夫配雪糕同香蕉都係 $36。窩夫質感厚實,外皮輕脆,有質感。

▲ 奄列配多士,簡簡單單的下午茶。

▲ 飲品方面相當特別,加入特製嘅糖漬水果,變得甜絲絲。

地址:香港長洲中學路16號地下 (天后廟空地前)

最後一站:海旁睇日落

今次呢個快閃遊,只喺逗留喺長洲短短幾小時,最後到海旁睇吓日落,漁船差不多都返晒嚟,停泊喺碼頭旁。逆光加上漁船,影出嚟相充滿濃濃漁村風情。

 

更多一日遊路線!

長洲 1.5 日單車美食懶人包!食盡 7大小食 + 張保仔洞探險

港版小清境 – 塔門一日遊!食海膽炒飯 + 大草地放風箏

由黃大仙走到九龍城! 半日遊深度體驗香港傳統文化

情侶放閃必去!精選 10大假日輕鬆好去處 (上集)

情侶放閃必去!精選 10大假日輕鬆好去處 (下集)

 

睇更多拍拖好去處!
FB: 依莉“詩”生活
IG: ErieDiary
網址:ErieDiary.hk
YouTube:Diary Erie


About 依莉詩

網媒出身嘅 90後,抱住「試咗先講」嘅精神。終日飲飲食食、遊走各大商場、小店尋找好去處。