禮品都要有心思!香港禮品及贈品展找到的 6個送禮方案

送禮有時真係好令人頭痛嘅一件事,送杯送頸巾真係老土到爆,收到嗰個都唔知放去邊好。今日我 依莉詩 就去咗 32屆香港禮品及贈品展,入面有來自全球31個國家及地區,超過4,300家本地及海外參展商參加。有超多特色禮物呢!雖然大家未必入到去,但就等我推介 6件有心思禮物畀大家啦!

1) 再生資源小擺設 – DIY自己砌

擺設最忌太老太,木質嘅再生資源製3D模型(1E-E01)睇落就更有文藝 feel,而且可以自己砌,自己上色,DIY成獨一無二嘅禮物送俾人添!

▲佢哋仲同好多公仔 cossover,Mioions、iron man 都有呢!

2) 水泥花盆 – 融入大自然

送俾鍾意花嘅朋友,可以選擇呢啲用水泥做嘅環保盆栽容器。唔同形狀嘅設計可以配合不同品種嘅植物。放係辦公室就更有生氣!

▲水泥物料感覺好穩重、沉實,與植物造成強烈對比。

3) 小朋友最愛 – 繽紛扭扭糖果機

送禮物畀小朋友不外乎糖同玩具,而 Dubble Bubble 嘅扭糖機就可以一次過滿足佢哋兩個願望。1E-D06 就放咗好多款扭糖機,有大有細,彩色繽紛,充滿童年回憶,但又絕不過時。

▲ 原來宜家啲扭糖機多咗好多唔同公仔呢!連 BB-8 同蝙蝠俠都有啊!

4) 環保皮革 – 防科技小偷

送比男性,禮物都要以實用為主,香港皮具及文儀品牌 Nu Design (1D-C04) 結合科技元素,將 RFID 放入環保皮革產品,變相保護銀包同信用卡、八達通、車鎖等重要資料,提防科技小偷。另外,仲加入咗 IOT 尋失物元素,只要銀包離開手機一個特定距離,手機就會通知你,咁就唔怕被人偷走或掉失了。

▲ 普通一個銀包都原來有咁多科技元素,實用多功能,男性們一定好鍾意。

5) 台灣製 MIT – 尋找傳統之美

除了香港品牌,台灣的MIT微笑標章產品區 (3D-A02) 放了不是「台灣製造」嘅優質設計。今次展出嘅陶瓷就注入咗唔少傳統元素,送俾長輩就最啱。

 

▲ 陶瓷茶壺係送俾初次見面長輩嘅保險選擇。

6) 實用又美觀 – 智營設計大賞作品

送禮除咗個人外,公司送嘅贈品都要有心思,收到幾廿個 卡片型USB、旅行用插頭 ,再收真係好灰。香港出口商會展館(5C-E08) 就展出多件香港智營設計大賞 2017 產品,設計實用又特別,可以飛甩老土。

▲ 熊貓同葉形萬字夾好得意呢!

▲ 呢個會自己彈出卡片嘅卡片盒非常實用,輕輕一拉條繩就有卡片彈出,咁就唔怕成日拎唔到張卡片出嚟了。

香港禮品及贈品展

日期:2017年 4月27 至 30日

地點:灣仔會展



About 依莉詩

網媒出身嘅 90後,抱住「試咗先講」嘅精神。終日飲飲食食、遊走各大商場、小店尋找好去處。