旅行出走必備品!Gaston Luga 北歐簡約風格背囊

平時出街或者去旅行,我 依莉詩 鍾意孭背囊四圍去,一來可以騰空雙手影相,二來帶多啲嘢出街都唔怕重。最近一個瑞典斯德哥爾摩背囊品牌打入香港市場,北歐簡約風格設計,著重功能同實用性,好啱我呢啲又要方便又成日轉 look 嘅人!

北歐質樸設計

呢個來自瑞典斯德哥爾摩嘅背囊 Gaston Luga 設計風格簡約,低調中又不失質感。蓋掩同袋身分別用帆布同皮革製造,海軍藍搭配咖啡棕,輕易配襯不同衣著。無論男女,孭上身都有復古文青感覺,情侶一人一個出街都唔尷尬!背囊尺寸為30 x 42 x 15cm,容量有 18L,裡面有一大兩小隔層,大嘅可以放到15吋 MacBook Pro,細嘅可以放手機同護照,足夠日常或短途旅行使用。

▲ 扣環有 4段高度調整,可以隨時擴展或緊縮,比起一般背囊用嘅拍鈕更緊實,就算背囊逼爆都唔擔心會中途鬆開。

 

▲ 背後有一個半開放式暗袋,放iPhone 或八達通都可以方便拎出嚟。

▲ 除了蓋掩,袋口由皮革拉繩束口,令袋形更立體之餘,可進一步防止包內物品掉出。

質料厚身耐用

Gaston Luga 設計上容易襯衫外,質料都好挺身耐用,深藍色嘅帆布由100%純棉布料製成,柔軟而結實,就好似中學書包一樣,應該孭好耐都唔會爛。背囊配上皮革令剪裁更立體自然,金屬製的扣環同 LOGO牌,亦相當精緻有質感。雖然都有一定重量,但比起一般手袋輕,長時間孭都唔會覺得肩膀壓力太大。

▲ 肩帶亦有 5段可以調整長度,有鐵圈固定,相當穩固,避免孭孭吓條帶變長或兩邊高低不一。

▲ 背囊底部有四個金屬卯釘,放喺地下有一定保護同支撐。

DHL歐洲直送

唔少外國牌子都「Made in China」,而 Gaston Luga 就真正由歐洲直送。而家喺官方網站https://gastonluga.com/hk 訂購,下單後五天內就會由DHL直接寄到,仲有全球免運費同額外退還20%歐洲銷售稅𠻹!如果用折扣碼「Eriediary」,仲可享15%折扣呢!

 

更多 Gadgets 試用

聖誕送禮推介!北歐風 Sudio Vasa Blå 藍牙無線耳機

依莉詩新玩具:「喇叭 x 床頭燈,仲幫你 call 埋 Uber 添!」- WITTI Beddi Glow 智能鬧鐘

缺少呢 3點,尿袋幾大都無用!依莉詩教你揀流動充電器

直播再不是照妖鏡!素顏拍片都不怕!自拍神器 美圖T8 上手玩

 

睇更多拍拖好去處!
FB: 依莉“詩”生活
IG: ErieDiary
網址:ErieDiary.hk
YouTube:Diary Erie



About 依莉詩

網媒出身嘅 90後,抱住「試咗先講」嘅精神。終日飲飲食食、遊走各大商場、小店尋找好去處。