快速自動連接 + 還原渾厚重低音! Sudio X Tolv 石墨烯真無線藍芽耳機

而家唔少人都會用真無線藍芽耳機,貪佢無線唔會整住啲頭髮,夠方便,但係咪代表就要放棄音質同通話質素呢?今次我 依莉詩 就試用咗 Sudio 第二代嘅 Tolv 真無線藍芽耳機。耳機以石墨烯驅動,加上兩隻各自配有收音功能,音質同通話質素都大大提升!

音質 + 通話質素大大提升

之前都用過 Sudio Vasa Blå 藍牙無線耳機 ,以我日日粗用嚟講,用到一年,都算耐用。而今次介紹嘅 Tolv 係 Sudio 第二款真無線藍牙耳機,以石墨烯驅動,音質明顯比前者優贏,高音細緻清澈,重低音亦算渾厚,一首普通嘅流行曲都聽得出更有層次。至於通話方面,因為 Tolv 兩隻耳機各自配有麥克風,只要戴住就可以溝通,唔會好似市面大部份真無線藍芽耳機要除一隻落嚟先收到音,的確方便唔少,而且耳機都相當隔音,講電話嘅時候都非常清淅。

▲ 一盒包括充電盒、耳機本體、說明書、充電線同4組耳塞,不同尺寸嘅耳塞適合不同耳型。

▲ 而我最欣賞係  Tolv 配備藍牙5.0版本,識得自動配對。只要連過手機一次,下次由充電盒拎出嚟,一放上耳就識得自動連接,真係好快呢!避免咗每次用嘅時候又要駁左耳又要駁右耳,搞一大輪先用到嘅情況。

 

細小唔累贅  收納盒隨時充電

Tolv 單邊耳機只係重 4.5g,戴上去舒適,日常戴都唔覺累贅。至於可攜式充電盒以橡膠殼設計,細細笠圓碌碌,只有 40g,放入手袋都唔嘥位,而且提供4次充電,充電一次可連續播放 7小時,姐係共 35小時,去短途旅行都唔使晚晚搵地方充電,續電力強大!

▲ Sudio 嘅產品都由瑞典設計,Tolv 都唔例外,充電盒設計簡約,白雪雪圓碌碌,簡單有質感。

限時優惠:買耳機送 Tote bag

以呢個價位嘅真無線藍芽耳機嚟講,Tolv 都算係設計感與音質兼備。而家至 2019年 7月 31日,上官網買耳機仲送時尚 Tote bag 𠻹!訂完三天內快遞直接送到屋企,全港免運,係就行動喇!

▲ Sudio 做緊夏日活動,官網買耳機送北歐時尚感 Tote bag,設計簡約,用料厚實,好啱日常用呢!

 

Sudio X Tolv 石墨烯真無線藍芽耳機

Sudio 香港&澳門官方網站https://www.sudio.com/hk/earphones

85折優惠代碼:eriediary_tolv

 

更多 Gadgets 文章

免費預約日本餐廳!一文教你用 tripla.ai 預約周奕瑋推介人氣餐廳|唔識日文都用到

想網上創業,用 Facebook Shop定網店好?

依莉詩:「聽住跑步舒服又型格!」夢幻珊瑚色 Thecoopidea BEANS 入耳式真.藍芽耳機

聖誕送禮推介!北歐風 Sudio Vasa Blå 藍牙無線耳機

依莉詩新玩具:「喇叭 x 床頭燈,仲幫你 call 埋 Uber 添!」- WITTI Beddi Glow 智能鬧鐘

【東京】羽田機場離開前必須搞掂的 5 件事!實試日本 11日無限速 LTE SIM 卡 + 開通教學

缺少呢 3點,尿袋幾大都無用!依莉詩教你揀流動充電器

直播再不是照妖鏡!素顏拍片都不怕!自拍神器 美圖T8 上手玩

【情侶自拍攻略】學識呢幾招女朋友包滿意!自拍婚紗 10大 拍攝 + 後製 技巧大公開 (上集)

【情侶自拍攻略】學識呢幾招女朋友包滿意!自拍婚紗 10大 拍攝 + 後製 技巧大公開 (下集)

————————————————————————————–

盈豐銀行亞太區新任副總裁 Angela Bow

————————————————————————————–

睇更多拍拖好去處!

FB page: 依莉詩生活

美食 IG: ErieDiary

打卡 IG:ErieDiaryhk

網址:ErieDiary.hk

YouTube:ErieDiary



About 依莉詩

網媒出身嘅 90後,抱住「試咗先講」嘅精神。終日飲飲食食、遊走各大商場、小店尋找好去處。