粉嶺隱世慢活餐廳!高質日式鰻魚蛋包飯 + 免費送清蛋糕等你親自DIY

粉嶺唔少人都覺得係美食沙漠,除咗火車站同華明商場嘅連鎖食肆,最近都要到上水先叫有啖好食!但原來距離粉嶺火車站差唔多 10分鐘步行距離嘅工業大廈內仲有一間滄海遺珠!今次我 依莉詩 就去咗呢間慢活cafe,hea足成個下晝喇!

和風 Fusion 菜CP值高

「What The Food」呢個餐廳名已經夠搞鬼,連 Menu 都加咗唔少急口令同港產片金句,睇完會令人會心微笑。而菜式就主打 Fusion菜,當中嘅花生醬煙肉芝芝牛肉漢堡就鹹中帶甜,好衝激味蕾!另外仲有麻辣食雞有雞味燉飯、泰國風味冬蔭公意粉 同 蒜香辣肉腸沙茶風味比薩都非常特別。而飲品方式唔單止有越南滴滴咖啡,仲有補脾養血紅棗桂圓茶等多款養生茶。如果唔飲咖啡,都有一系列「無啡」Latte 可以揀,都幾多元化。

▲ 日式鰻魚蛋包飯 $116

蒲燒蛋包飯係呢度嘅招牌菜。原條肥美嘅蒲燒鰻魚,甜度適中唔膩,日本蛋蛋香十足,煎得啱啱好,又厚又滑,再配埋珍珠米炒飯同木魚花紫菜,好有日式風味!

▲ 花生醬煙肉芝芝牛肉漢堡 $88

花生醬煙肉芝芝牛肉漢堡亦都份量十足,一啖咬落去花生醬同肉汁勁澎湃,加埋煙肉增加鹹度,鹹中帶甜,好衝激味蕾!花生醬嘅粒粒同煙肉嘅脆亦增加唔少口感,食半個都己經好飽!

▲ 套餐包嘅羅宋湯同新鮮麥包都好足料,羅宋湯嘅蔬菜同牛肉都好多,又香又濃,酸酸辣辣夠開胃。

▲ 海鹽脆脆鮮奶 (左) $34、海鹽焦糖脆脆泡沫咖啡(右) $40

海鹽脆脆系列唔止影相靚,脆脆仲好脆口,融入飲品中可以自行調校甜度。如果唔飲咖啡,可以揀鮮奶,兩樣都幾好飲!

歡迎開生日party  慢活唔使「趕埋單」

What The Food Cafe 鼓勵慢活,所以食飽都唔使急住走,一班人可以喺度傾吓計,玩吓卡 game。另外仲有夾糖同 Bake Your Own Corner ,大家可以自助裝飾蛋糕。以我所見,裝飾蛋糕嘅工具都幾齊,由蛋糕刀到蛋糕轉盆都有,加上唔同大細形狀嘅朱古力碎、生日牌等,可以輕易設計一個靚靚生日蛋糕。

▲ 而家嚟會生日會,6人同行,仲會送一個清蛋糕畀你裝飾𠻹!記得預早三日打電話去 Book 呀!

▲ 好似夾糖咁,以重量計算揀好嘅朱古力碎,再放上蛋糕就可以變成獨一無二嘅生日蛋糕。要裝飾一個蛋糕大約 $30-$40。

工業風新裝修  玩味十足夠休閒

What The Food Cafe 其實喺粉嶺已經 4年,而最近新裝修成玩味工業風。當中最搶眼係走廊嘅 Pixel Art 同 牆身嘅各種塗鴉,好啱打卡影相!餐廳內有自然光滲入,坐喺度可以令人完全放鬆,非常優閒!

▲ 夾糖櫃有唔少懷舊軟糖,只係 $15/100g。

▲ 走廊嘅 Pixel Art 玩味十足,好似走入遊戲世界。

▲ 呢兩個遊戲角色你又認唔認得呢?

▲ 如果揸車,多利⼯業⼤廈旁邊就係露天停⾞場,非常方便。

屈突忽⼈⺠食堂 What The Food Cafe
地址:粉嶺業豐街13號多利⼯業⼤廈1樓F室
營業時間:星期⼆⾄星期⽇ 12:00-22:00 (星期⼀休息)
電話:26771303
預約⽅式:電話⽅式預約 / Facebook:WTFCAFEHK

 

 

 

各區美食精選!
佐敦美食精選!街坊都食嘅懷舊點心糕品+台灣人氣黑糖珍珠奶
旺角慢煮快食新體驗!6間中日泰美食登陸彌敦道 700號|北海道拉麵X清邁咖喱麵
地膽帶路!土瓜灣街頭小食 – 足料花膠魚肚粥 + 濃香米香腸粉
地膽推介!$150 掃盡 5大紅磡街頭小食 – 混醬班戟麵條 + 超大粒手製芋圓
死場不再!10間平民食肆進駐荃灣新 Food Court – 嫩滑手撕雞腸粉 x 醒胃麻辣串
粉色系呃 like 甜品團!食盡荃灣 3大潮食店 – 玫瑰士多啤梨窩夫 X 山形縣白桃厚班戟
大坑 2大呃 Like 甜品! 粉色棉花糖燒 x 彩虹沖繩鹽刨冰
5萬呎水產市場登陸黃埔!九號水產 4大食店率先睇 – 蟹痴必掃北海道皇帝蟹
旺角 1日 4餐,由朝食到晚!青檸烏冬係劣食?韓系日式吉列牛一定正?
銅鑼灣 SOGO 地庫重開!5大人氣日本過江龍進駐 必食香脆海鮮煎餅 + 鹿兒島彈牙魚餅
元朗 4大人氣食店!必食北海道布丁燒 X 啖啖肉無骨雞翼包
屯門潮食集中地!紅橋 4大不得不吃的小食+主菜+甜品

 

睇更多拍拖好去處!
FB page: 依莉“詩”生活
美食 IG: ErieDiary
打卡 IG:ErieDiaryhk
網址:ErieDiary.hk
YouTube:ErieDiary


About 依莉詩

網媒出身嘅 90後,抱住「試咗先講」嘅精神。終日飲飲食食、遊走各大商場、小店尋找好去處。