春季時令鮮之選!日本直送清酒蒸蠔 + 新鮮鯛魚刺身

去日本最想就係食蠔!無論福岡嘅蠔屋定係築地嘅大大隻生蠔,都係我 依莉詩 嘅最愛!最近千両推出咗「春季時令鮮之選」,唔洗去日本就可以一次食勻來自日本大分、福岡及熊本嘅精選鮮蠔!


食勻春季時令刺身

春天係花開嘅季節,海鮮一樣肥美!而家至5月上旬,千両全線分店除咗有肥美生蠔,仲有春季必食嘅鯛魚、針魚同鰈魚,每一樣都鮮嫩特有口質,配上春季限定清酒,清新悅人嘅味道就更有春天嘅氣息。

▲ 清酒蒸蠔盛合  $140 /3件

清酒蒸蠔盛合嘅蠔都係由日本直送!原隻鮮蠔用清酒蒸煮8至10分鐘後,煮得啱啱好!肉質鮮美爽口,加上淡淡酒香,比起生蠔不失鮮嫩,更易入口。當中熊本鏡蠔最大隻,有成隻手掌咁大,肉質最肥厚,海水味濃郁!福岡鮮蠔甘鮮帶咸,比較清爽,酒味最香,而大分牡蠣細細隻,但爽口有蠔味。

▲ 針魚刺身 $120/

平時食嚟食去都係三文魚同吞拿魚,原來針魚刺身又係另一種口感。因為針魚油份較少,肉質比較結實,薄薄魚片入口清新,非常特別。

▲ 鯛魚三點壽司盛合 $65/

鯛魚刺身薄薄一片,味道同樣十分清新,脂質含量適中,肉質鮮甜帶煙韌。三件壽司配上不同調味,辣椒蘿蔔蓉微辣醒胃,柚子啫喱清新帶甜,柚子胡椒香辛解膩,食完非常開胃。

▲ 鐵板牛肉壽喜燒 $78/

両除咗食壽司刺身,熟食都係不錯嘅選擇。呢款鐵板牛肉壽喜燒份量唔算多,牛油熱鍋裝住牛肉片、椰菜、豆腐、蒟蒻絲同蘿蔔,醬汁香濃鮮甜,送酒一流。

 

千両

地址:尖沙咀彌敦道19-21號九龍酒店B3層B3-01號店

 

各區美食精選!
地膽帶路!土瓜灣街頭小食 – 足料花膠魚肚粥 + 濃香米香腸粉
地膽推介!$150 掃盡 5大紅磡街頭小食 – 混醬班戟麵條 + 超大粒手製芋圓
死場不再!10間平民食肆進駐荃灣新 Food Court – 嫩滑手撕雞腸粉 x 醒胃麻辣串
粉色系呃 like 甜品團!食盡荃灣 3大潮食店 – 玫瑰士多啤梨窩夫 X 山形縣白桃厚班戟
大坑 2大呃 Like 甜品! 粉色棉花糖燒 x 彩虹沖繩鹽刨冰
5萬呎水產市場登陸黃埔!九號水產 4大食店率先睇 – 蟹痴必掃北海道皇帝蟹
旺角 1日 4餐,由朝食到晚!青檸烏冬係劣食?韓系日式吉列牛一定正?
銅鑼灣 SOGO 地庫重開!5大人氣日本過江龍進駐 必食香脆海鮮煎餅 + 鹿兒島彈牙魚餅
元朗 4大人氣食店!必食北海道布丁燒 X 啖啖肉無骨雞翼包
屯門潮食集中地!紅橋 4大不得不吃的小食+主菜+甜品

睇更多拍拖好去處!
FB: 依莉“詩”生活
IG: ErieDiary
網址:ErieDiary.hk
YouTube:Diary Erie



About 依莉詩

網媒出身嘅 90後,抱住「試咗先講」嘅精神。終日飲飲食食、遊走各大商場、小店尋找好去處。