【周末市集】日本人氣設計師分享心得!紫藤花海下學整燈炮花 +和風髮飾

女人就係鬼咁多心,行得多商場又想去下市集,市集行到悶悶哋又會行下商場。今次 MCP 新都城中心就同日本最大手創商品網路平台「Creema」合作,係商場內搞和風市集。我 依莉詩 就去咗睇有咩買啦!

迷上日系手作

紫藤花海下,7大日本人氣設計師同十多個本地手作單位,各自帶咗充滿日系風格嘅服裝、飾品等進行交流。雖然市集規模唔係好大,贏在檔檔賣嘅都唔同,鍾意日系飾品嘅可以去望下呢!

 

▲ 日系頭飾幾時睇都咁可愛!

▲ 簡約亦係唔少人響往嘅日系風格呢!

▲ 當喵印在木匙上。

▲ 小朋友口水肩都好得意!

▲ 日本設計師 Picnic 設計嘅水彩畫風手機榖每個都好特別。

 

▲ 白色波鞋一向係形象百搭的潮物,One Face Original 就用印有日本製標籤嘅原創型號白色波鞋,畫上手繪圖案,大膽撞色,好有特式。

免費手作坊,製造獨一無二手作品

除咗行市集,只要係 MCP 新都城中心2期或3期商場以電子貨幣消費滿 $380,憑2張不同商戶的即日有效電子機印發票,就有機會換領入場証一張,參加免費手作坊。當中燈炮花同頭飾都好吸引呢!就算平時要學都唔平,今次仲要係三個 Creema 創意單位 FT2 Works、coco vanilla 及 Akacoro 連同兩個本地原創品牌小娘の手芸屋 及 molly·莫莉親自教授,真係一定要學啊!

 

 

▲ 燈泡花創作坊 – 5月27日

來自日本嘅 FT2 Works 創辦人教大家巧妙搭配鮮豔花朵營造出浪漫十足的花藝裝飾品,花控們絕不能錯過!

▲ 和風細工花髮飾手作坊 – 6月4日

molly·莫莉揉合日本傳統工藝及精緻印花布藝,配合創意和各種物料輕鬆造出既華麗唯美又實用的髮飾。

▲日本手毬項鏈製作坊- 5月30日

小娘の手芸屋嘅導師將手毬經由纏繞塑圓之後,便可繡上幾何圖形在其中跳躍,幾經感性與理性的交織,製作出手毬項鏈。

MCP新都城中心 –《MCP Discovery x Creema和風手作。祭》

日期:2017年 5月 26日 至 6月4日

時間:中午12時至晚上8時

地點:MCP新都城中心三期L1天幕廣場



About 依莉詩
網媒出身嘅 90後爛玩精,抱住「試咗先講」嘅精神。終日飲飲食食、遊走各大商場、小店尋找好去處。