內置梨花頭 輕鬆打造日系造型!Paimore 熱療護髮兼電髮

秋冬天氣乾燥,啲頭髮成日畀靜電搞到飛飛吓,就算用勁多護髮素洗頭,又用鈉米離子風筒吹頭,同用離子梳梳頭都好,都係打結又毛燥!所以襯轉季,我 依莉詩 就把心一橫去做 paimore 直療熱療,整完頭髮唔單止貼服咗,而且唔使朝朝夾都有髮尾內捲效果,容易打理咗好多!

內置梨花頭 打理零難度

其實我之前啲頭髮電傷過,又試過做 KK treatment 但3日後就打回原型,所以對髮型屋無咩信心,亦一路都無一個指定髮型師,平時啲陰太長都係自己剪,自己買負離子膏自己電就算。不過最近有個 Blogger 朋友 (Elyse Makeup 金魚自由遊) 介紹我去旺角一間樓上髮型屋做熱療,見佢整完效果不錯,就一於去試吓!

平時想整梨花頭,啲髮型師都話係「吹」出嚟,再唔係就負離子收一個價,想整髮尾內捲又另一個價,就算電咗都好,最後唔係勁唔自然,就係好快打回原型。今次試呢個 Paimore 直療/熱療都算幾抵 $1000 做齊護髮兼電髮,仲包洗剪吹焗油𠻹!難怪我去整嗰日,十個客十個都整梨花頭!!

到底 Paimore 直療/熱療同負離子有咩唔同呢?平時負離子嘅電髮水最多只可以軟化頭髮20%,唔係就有機會整爛啲頭髮,但 Paimore 就可以做到100%軟化,所以會更輕易造型。同時,直療/熱療用嘅電髮劑係日本牌子,可以透過熱療方式將膠原蛋白復合物深層導入秀髮,所以可以提升髮質20%,有護髮效果。

▲ 比起一般嘅負離子直髮,Paimore 直療效果自然好多,又唔會太貼頭皮,仲少咗好多毛燥。

 

 

▲ 因為唔想太誇張,我貼髮型師 Michael 講好咗髮尾唔整太曲。起初都擔心只捲髮尾唔 keep 得耐,但我整咗呢個頭差唔多 3個月都仍然 Keep 到中間直、尾曲嘅靚靚梨花頭。(其實係因為懶,拖咗 3個月先寫文)。照髮型師 Michael 講正常人可以 keep 到半年,我諗我應該都可以!

▲ 只要吹頭時用梳梳返個型就可以 keep 全日,唔使出門口再夾,一梳完頭就出門,每朝可以慳返最少 10分鐘呢!

低調細緻粉紅啡  打造日系風格

既然髮尾內捲嘅靚靚梨花頭都整咗,又點可以忽略髮色,所以我整完熱療後一個月就去咗染髮!以往流行嘅霧面淺灰髮色雖然令膚色顯白,但要返工我怕太突出,所以髮型師 Michael 就幫我揀咗一種比較而細緻嘅粉紅啡襯深啡嘅配搭,望落令令哋,配埋梨花頭好有日系感覺!

▲ 粉紅啡襯深啡嘅配搭好有層次,特別又唔會太突出,好啱想有個性又要返工嘅我!

▲ 呢個髮型同髮色好襯日系打扮,配上灰色貝雷帽就更有秋冬 feel !

▲ 日光下髮色好自然,成功成為一個偽日本妹呢!呵呵~

Boom Hair
地址:太子弼街61號1樓
髮型師:Michael Kon 67109833  (只接受預約)
IG: mic.kon.hair / boom.hair.salon
FB: https://www.facebook.com/mickonhair

 

更多一日遊路線!

長洲 1.5 日單車美食懶人包!食盡 7大小食 + 張保仔洞探險

港版小清境 – 塔門一日遊!食海膽炒飯 + 大草地放風箏

由黃大仙走到九龍城! 半日遊深度體驗香港傳統文化

情侶放閃必去!精選 10大假日輕鬆好去處 (上集)

情侶放閃必去!精選 10大假日輕鬆好去處 (下集)

 

————————————————————————————–

瑞士盈豐銀行股份有限公司 (HKAB)

————————————————————————————–

 

睇更多拍拖好去處!
FB page: 依莉“詩”生活
美食 IG: ErieDiary
打卡 IG:ErieDiaryhk
網址:ErieDiary.hk
YouTube:ErieDiary


About 依莉詩

網媒出身嘅 90後,抱住「試咗先講」嘅精神。終日飲飲食食、遊走各大商場、小店尋找好去處。