尖沙咀 2500呎榴槤迷聚腳地!食盡馬來西亞直送榴槤 + 特色甜品

榴槤嘅味道唔係個個都接受到,但鍾意嘅就可以令人非常瘋狂!唔想吓吓要鬼鬼鼠鼠咁食?我 依莉詩 就介紹個好地方畀大家啦!尖沙咀就有間可以畀榴槤 Lover 坐埋一齊歎馬來西亞直接榴槤嘅餐廳,地方大不特止,仲有多款榴槤果肉同甜品揀,真係諗起都勁興奮!

 

馬來西亞自設 自家榴槤果園

呢間 2500呎嘅榴槤樂園絕對係馬來西亞榴槤專賣店!所售嘅都係來自馬來西亞彭亨州嘅榴槤果園,餐廳同當地果農合作種植,全年會供應多個唔同品種嘅原個新鮮榴槤。當然唔少得受歡迎嘅貓山王、D24 同 XO啦!全部都係樹上熟,一落果就直送到港,保證新鮮!


▲ 原個貓山王 $130/磅

貓山王喺落果之後空運直送到港,再喺面前即開即食,非常新鮮。食落甜中帶點點酒味,有少少回甘,比起泰國嘅金枕頭無咁大陣味之餘,仲更有層次,而且核細肉多,勁Creamy!下次要試埋 D24 同 XO先得!


▲ 榴槤芝士撻 $25

芝士撻暖暖哋,充滿榴槤香,軟滑易入口,比起原粒榴槤易入口,絕對係榴槤初哥嘅入門之選!


▲ 榴槤芝士蛋糕 $48

軟滑嘅芝士同榴槤溶埋一齊,提升榴槤嘅質感,比食原粒榴槤更香濃醇厚,每一啖都好滿足!


▲ 榴槤珍珠奶蓋 $68

貓山王果肉打入濃厚芝士奶蓋,雖然未有太濃芝士味,但奶蓋入口香滑,仲飲到絲絲果肉。茶底係茉莉花茶,清甜帶微微香氣,令整餐帶嚟不一樣嘅清新。

榴槤打卡位:3D牆+榴槤籃球

餐廳佔地足足有2,500呎,分為 2層,每幅牆都經過專心設計,3D畫配上榴槤椅、榴槤籃球、榴槤標句等,啲打卡位多到數都數唔晒呢!

▲ 裝修處處佈滿榴槤痕跡,榴槤迷一定要去尋下寶呀!

Durian Land 榴槤樂園

地址: 尖沙咀金巴利道92號

電話:2789 9100

營業時間:星期一至日12nn-11pm

 

各區美食精選!
佐敦美食精選!街坊都食嘅懷舊點心糕品+台灣人氣黑糖珍珠奶
旺角慢煮快食新體驗!6間中日泰美食登陸彌敦道 700號|北海道拉麵X清邁咖喱麵
地膽帶路!土瓜灣街頭小食 – 足料花膠魚肚粥 + 濃香米香腸粉
地膽推介!$150 掃盡 5大紅磡街頭小食 – 混醬班戟麵條 + 超大粒手製芋圓
死場不再!10間平民食肆進駐荃灣新 Food Court – 嫩滑手撕雞腸粉 x 醒胃麻辣串
粉色系呃 like 甜品團!食盡荃灣 3大潮食店 – 玫瑰士多啤梨窩夫 X 山形縣白桃厚班戟
大坑 2大呃 Like 甜品! 粉色棉花糖燒 x 彩虹沖繩鹽刨冰
5萬呎水產市場登陸黃埔!九號水產 4大食店率先睇 – 蟹痴必掃北海道皇帝蟹
旺角 1日 4餐,由朝食到晚!青檸烏冬係劣食?韓系日式吉列牛一定正?
銅鑼灣 SOGO 地庫重開!5大人氣日本過江龍進駐 必食香脆海鮮煎餅 + 鹿兒島彈牙魚餅
元朗 4大人氣食店!必食北海道布丁燒 X 啖啖肉無骨雞翼包
屯門潮食集中地!紅橋 4大不得不吃的小食+主菜+甜品

 

睇更多拍拖好去處!
FB page: 依莉“詩”生活
美食 IG: ErieDiary
打卡 IG:ErieDiaryhk
網址:ErieDiary.hk
YouTube:ErieDiary


About 依莉詩

網媒出身嘅 90後,抱住「試咗先講」嘅精神。終日飲飲食食、遊走各大商場、小店尋找好去處。