自助餐多數都諗起去酒店食，其實都仲有其他選擇，好似銅鑼灣世貿中心嘅 Mr. Steak Buffet a la minute 就係少有，又多高級食材嘅自助餐。今期【神牛盛宴】 主題就有得任食和牛壽喜燒同火炙和牛壽司，我 依莉詩 知道咗，梗係去食過夠啦！
亮點 1：任食和牛壽喜燒 + 火炙和牛壽司
Mr. Steak Buffet a la minute 出名多價格嘢食，又易回本。今次新加嘅和牛壽喜燒同火炙和牛壽司絕對係回本位！和牛最好嘅食法一係燒，一係烚，而家就可以試晒兩種。薄薄一片嘅和牛喺壽喜燒輕輕烚一烚，入口即溶，加埋野菜同湯，又有另一滋味，好想食多幾片。而火炙和牛壽司即叫即燒，塗上特製醬汁，再以熊熊烈火輕灼，油花出晒嚟！
▲ 和牛壽喜燒即叫即烚，加埋野菜同湯更有味道。
▲ 和牛薄薄一片，入口嫩滑即溶，一次一片真係唔夠喉！
▲ 火炙和牛壽司，配上日本珍珠米飯，即叫即燒，油香十足！
▲ 和牛壽司雖然未到入口即溶，但油香十足，同蒜片、葱花一齊食就更香口。
亮點 2：心太軟度身繪畫傳情
大家食自助餐好多時都係慶祝生日或者紀念日，Mr. Steak Buffet a la minute 就好有心思，預早畀大家留下字句，甜品師會喺心太軟出爐前，用朱古力幫你寫喺碟上，為屋企人或者朋友送上驚喜！
▲ 除咗字，仲有圖案㗎！收到真係好窩心！
亮點 3：即開生蠔 + 7款凍海鮮
另一個回本位，梗係Mr. Steak Buffet a la minute 最出名嘅即開生蠔區！近期就供應美國生蠔，大隻厚身，重海水味，所以有唔少人排隊拎㗎！當然仲有蟹腳、青口、龍蝦鉗等7款凍海鮮，海鮮迷一定滿足！
▲ 兩個時段供應的海鮮款式是差不多，而時段二仲會有波士頓龍蝦𠻹！
亮點 4：古法鮮蒸海鮮易回本
生冷嘢未必人人受得，好彩熟食都一樣唔嘢少！大部份都係唔同煮法嘅海鮮，蝦、蟶子、蜆、蠔同象拔蚌都有，鍾意鮮味定惹味都兼顧到。
▲ 籠仔蒸蝦
▲ 古法上湯浸大蜆
▲ 薑蔥生蠔
▲ 碧綠象拔蚌蝦球
▲ 蠔皇冬菇燴花膠
▲ 清蒸聖子
▲ 即烤燒肉串香噴噴！
亮點 5：甜品細細件食多幾款
最後梗係食甜品，除咗大大個嘅蛋糕，有唔少細細件蛋糕、布甸、泡芺可以揀，一啖一粒自然可以食多幾款。
▲ 甜品一啖一粒，可以試勻咁多款。
▲ 不得不題嘅係，豆腐花係全晚最好食嘅！哈哈～
Mr. Steak Buffet à la minute 【神牛盛宴】 極滋味自助餐
地址：鑼灣告士打道280號世貿中心6樓
供應時間：星期一至日及公眾假期17:00-19:00 ; 19:30-22:00
收費：
時段1 星期一至五 成人$438、小童$288，星期六至日 成人$458、小童$288
時段2 成人$608、小童$308
訂座電話：2881 5757
各區美食精選！
佐敦美食精選！街坊都食嘅懷舊點心糕品+台灣人氣黑糖珍珠奶
旺角慢煮快食新體驗！6間中日泰美食登陸彌敦道 700號｜北海道拉麵X清邁咖喱麵
地膽帶路！土瓜灣街頭小食 – 足料花膠魚肚粥 + 濃香米香腸粉
地膽推介！$150 掃盡 5大紅磡街頭小食 – 混醬班戟麵條 + 超大粒手製芋圓
死場不再！10間平民食肆進駐荃灣新 Food Court – 嫩滑手撕雞腸粉 x 醒胃麻辣串
粉色系呃 like 甜品團！食盡荃灣 3大潮食店 – 玫瑰士多啤梨窩夫 X 山形縣白桃厚班戟
大坑 2大呃 Like 甜品！ 粉色棉花糖燒 x 彩虹沖繩鹽刨冰
5萬呎水產市場登陸黃埔！九號水產 4大食店率先睇 – 蟹痴必掃北海道皇帝蟹
旺角 1日 4餐，由朝食到晚！青檸烏冬係劣食？韓系日式吉列牛一定正？
銅鑼灣 SOGO 地庫重開！5大人氣日本過江龍進駐 必食香脆海鮮煎餅 + 鹿兒島彈牙魚餅
元朗 4大人氣食店！必食北海道布丁燒 X 啖啖肉無骨雞翼包
屯門潮食集中地！紅橋 4大不得不吃的小食+主菜+甜品
【延伸閱讀】
