櫻桃小丸子相信係陪住 90後成長嘅卡通，當年我 依莉詩 第一個自己揀嘅書包唔係SPI，而係小丸子書包！雖然人大咗，煩惱同心事都無少過，不過有小丸子嘅精神，無問題係解決唔到嘅！今次難得去到 小丸子 X 茶木 呢間台式休閒主題餐廳，當然要忘記一下煩惱啦！
小丸子主題美食 睇得又食得
其實茶木‧台式休閒餐廳上年9月尾已經將 九龍灣MegaBox 、旺角瓊華 同 銅鑼灣世貿 3間分店嚟個大變身，成為不同故事嘅小丸子主題餐廳，唔單止有影相位，仲有限定美食同角色特飲𠻹！除咗3間分店有一款限定主菜同限定甜品，全線分店都有供應4款小丸子系列嘅小丸子主題美食。係就係遲咗啲，不過都同大家介紹一下啦！如果未食嘅朋友把握最後機會啦！
▲ 爺爺櫻桃湯（$36）
櫻桃做甜品就見得多，打到變成湯都係第一次飲，酸酸甜甜咁，真係夠晒開胃。
▲ Bili bala小食拼盤（$78）
呢個小食拼盤最吸精梗係個小丸子杯，打開黃色帽，入面有炸花枝丸，再配埋芝士釀雞翼、台式香腸同金黃色炸蝦卷，香口又鬆脆！記得食埋新鮮水果，中和油膩感呀！
▲ 小丸子探險芋圓（$55）
台式餐廳又點少得芋圓呢？紫薯、綠茶同地瓜製成嘅芋圓入口彈牙軟糯，加埋Q彈珍珠、水果同忌廉，層次好豐富呢！
▲ 小丸子綠茶心太軟（旺角瓊華店限定）（$68）
係咪搵咗好耐都見唔到個心太軟喺邊呢？原來喺小丸子同花輪同學下面呀！雖然心太軟比較扁平，又唔係好流心，不過旁邊嘅芒果拿破崙鬆化香脆，加返唔少分啦！
▲ 小丸子櫻桃西瓜柳丁汁、野口竹炭仙草奶茶、花輪玫瑰咖啡拿鐵、爺爺抹茶歐蕾（$38）
呢4款特飲，我只係飲咗爺爺抹茶歐蕾，抹茶味適中，唔太甜，算係唔錯。而啲杯咁精美，飲完真係想洗乾淨帶走佢呢！
旺角店限定花輪蜜蜂王子主題佈置
3間分店都各有主題，而今次去嘅旺角瓊華店以花輪蜜蜂王子做主題。餐廳嘅佈置都好有心思，除咗有大大個花輪同學同小丸子精靈迎接大家，仲有3年4班嘅同學喺牆上各處陪你食飯，就連餐牌都以故事連結每個美食，就係不得不讚吓做故事嘅人！哈哈！
▲ 小丸子精靈坐喺花輪王子旁邊，非常得意！
▲ 隨處都可以見到3年4班同學嘅蹤影！
▲ 細心啲睇個餐牌，入面真係有故事㗎！
▲ 另一份限定餐牌仲係花輪同學嘅大頭呢！好搞笑！
【小丸子櫻の時刻】旺角瓊華中心店
地址：旺角彌敦道628號瓊華中心10樓全層
各區美食精選！
旺角慢煮快食新體驗！6間中日泰美食登陸彌敦道 700號｜北海道拉麵X清邁咖喱麵
地膽帶路！土瓜灣街頭小食 – 足料花膠魚肚粥 + 濃香米香腸粉
地膽推介！$150 掃盡 5大紅磡街頭小食 – 混醬班戟麵條 + 超大粒手製芋圓
死場不再！10間平民食肆進駐荃灣新 Food Court – 嫩滑手撕雞腸粉 x 醒胃麻辣串
粉色系呃 like 甜品團！食盡荃灣 3大潮食店 – 玫瑰士多啤梨窩夫 X 山形縣白桃厚班戟
大坑 2大呃 Like 甜品！ 粉色棉花糖燒 x 彩虹沖繩鹽刨冰
5萬呎水產市場登陸黃埔！九號水產 4大食店率先睇 – 蟹痴必掃北海道皇帝蟹
旺角 1日 4餐，由朝食到晚！青檸烏冬係劣食？韓系日式吉列牛一定正？
銅鑼灣 SOGO 地庫重開！5大人氣日本過江龍進駐 必食香脆海鮮煎餅 + 鹿兒島彈牙魚餅
元朗 4大人氣食店！必食北海道布丁燒 X 啖啖肉無骨雞翼包
屯門潮食集中地！紅橋 4大不得不吃的小食+主菜+甜品
【延伸閱讀】
