就算留喺香港，放假都可以四圍去 cafe chill 下，喺咁壓抑嘅時代，點都要短暫放鬆下心靈，先可以繼續前行。今次尖沙咀呢間可以話係為打卡而設嘅 cafe，裝修走木系路線，靚靚嘅門面同日系韆鞦，加上色彩繽紛嘅素食，既健康又 igable！最緊要係良心小店，仲可以帶寵物入內，想做偽文青嘅你又點可以唔試下！？
IGable 無麩質甜品 X 蛋奶素輕食
有唔少人對小麥、大麥等全穀物裡面嘅複合蛋白質有敏感而不知情。看似普通嘅皮膚唔好，出疹、暗瘡、泛血，可能就係食咗呢類含麩質嘅食物所引致，所以近年興起無麩質飲食。而呢間 cafe 就除咗提供純素輕食外，更有多款無麩質甜品，唔止健康，仲好 igable 𠻹！
▲ 無花果及牛油果酸種麵包 $98
脆口嘅酸種麵包上面搽滿厚厚嘅 avocado butter，令麵包濕潤不乾硬，上面一層無花果、牛油果、蕃茄、火箭菜等新鮮蔬果，進一步加強口感，微微嘅酸度，清新開胃。
▲ 和風柚子蟹肉及牛油果 bagel $118
Bagel 係 cafe 手工自製，同平時煙軔口感唔同，比較似麵包嘅質地，而中間爽了滿滿嘅純素蟹肉、柚子、牛油果、和風汁、蕃茄、羽衣甘藍、生菜等，口感相當有層次，配合偏辣酸甜嘅醬汁，非常適合夏天同濕悶天氣！
▲ 無麩質朱古力蛋糕 +$47
蛋奶素嘅甜品一向都比較乾，且缺乏油脂感，但同樣比較健康。雖然呢款無麩質朱古力蛋糕上嘅士多啤梨不太新鮮，但蛋糕部份比較似 brownie，濕潤、厚實帶濃濃朱古力味，正正填補缺乏油脂感嘅不足。
▲ 紅絲絨純素蛋糕 +$48
紅絲絨純素蛋糕同樣係無麩質蛋糕，比較紮實，甜度唔高，不過一層 cream 一層 cake 嘅設計可以增加濕度及軟滑度。
▲ Beetroot Latte $44
紅菜頭 Latte 顏色吸引，仲有靚靚嘅拉花，打卡一流！
勁 chill 日系韆鞦打卡位
齋啡有兩個不相連嘅鋪位，一邊係點餐，另一邊主要係坐位，兩間都係木系裝修，環境佈置好有心思，特別係庭園風嘅門面同韆鞦，打卡位多之餘，坐喺入面更有種遠離煩囂嘅感覺。
▲ 隔住玻璃，街外係一條人煙稀少，但算多車嘅馬路。雖然外面有啲嘈，但不破壞休閒嘅氣氛。
▲ 店面嘅日式庭園佈置非常適合打卡！
▲ 另一邊店面有一點點歐洲風格，喺度飲咖啡同樣休閒。
▲ 呢個韆鞦係 cafe 主要打卡位，可以影到長腿呢！
齋啡 Vego Coffee
地址：尖沙咀柯士甸道154-156號花園大廈7B地鋪(佐敦站D出口)
營業時間：星期一至日11-18:00
電話：2833 2838
各區美食精選！
佐敦美食精選！街坊都食嘅懷舊點心糕品+台灣人氣黑糖珍珠奶
旺角慢煮快食新體驗！6間中日泰美食登陸彌敦道 700號｜北海道拉麵X清邁咖喱麵
地膽帶路！土瓜灣街頭小食 – 足料花膠魚肚粥 + 濃香米香腸粉
地膽推介！$150 掃盡 5大紅磡街頭小食 – 混醬班戟麵條 + 超大粒手製芋圓
死場不再！10間平民食肆進駐荃灣新 Food Court – 嫩滑手撕雞腸粉 x 醒胃麻辣串
粉色系呃 like 甜品團！食盡荃灣 3大潮食店 – 玫瑰士多啤梨窩夫 X 山形縣白桃厚班戟
大坑 2大呃 Like 甜品！ 粉色棉花糖燒 x 彩虹沖繩鹽刨冰
5萬呎水產市場登陸黃埔！九號水產 4大食店率先睇 – 蟹痴必掃北海道皇帝蟹
旺角 1日 4餐，由朝食到晚！青檸烏冬係劣食？韓系日式吉列牛一定正？
銅鑼灣 SOGO 地庫重開！5大人氣日本過江龍進駐 必食香脆海鮮煎餅 + 鹿兒島彈牙魚餅
元朗 4大人氣食店！必食北海道布丁燒 X 啖啖肉無骨雞翼包
屯門潮食集中地！紅橋 4大不得不吃的小食+主菜+甜品
【延伸閱讀】
