疫情一路都無好轉，晚市又禁堂食，唔少餐廳都出盡奇招吸客！就連銅鑼灣呢間日式居酒屋都變陣，推出和風下午茶，人均 $200 有找就有齊前菜、壽司、串燒、甜品，仲有清酒飲，啱晒樣樣都鍾意試少少嘅我！
疫情價！和風下午茶人均 $200 有找！
Tea Set 通常都會諗到英式 3層架，而呢個和風下午茶就以 3個便當盒作擺盤，分別裝有多款日式鹹甜點，色彩繽紛，打卡起嚟一啲都唔輸蝕！雖然唔係喺酒店食，但環境都相當舒服，而食物份量唔多，樣樣都有少少，以其他 Tea Set 作比較，兩人份都係 $388 (另收加一服務費)，都算值得一試！
鹹點有居酒屋風味
來自日本嘅權八本來就係專注做居酒屋，所以鹹點方面有一定水準，當中串燒更係用日本備長炭燒烤，加上調味適中，好有日式風味。不過前菜同壽司方面就唔係太突出，單純邊傾計邊送酒都係可以。
▲ 日式小食有枝豆、飛魚子沙律、炸鮮蟹肉餅 同 唐揚雞柳，味道一般，不過一邊傾計，用嚟送酒都唔錯。至於壽司方面，有三文魚．吞拿魚．芝麻炸蝦反卷，唔算太新鮮。
▲ 串燒就有燒雞翼、蒜片豬頸肉、日本番薯、杏鮑菇同燒粟米，係 3盒中最好食嘅！蒜片豬頸肉唔止香口，外脆之餘，依舊保留肉汁；燒雞翼剪成單骨，方便易食。得幾串真係唔夠喉！
跟餐必揀暖清酒
平時日本餐廳嘅甜品都係普普通通，本來無抱太大期待，不過呢間反而這幾好食，特別係椰汁南瓜白玉子，椰汁同南瓜香滑濃厚，好啱冬天食，而蜜瓜糯米糍唔止外型可愛，仲有點點清甜，可以消消滯。至於飲品，除咗一般嘅無酒精飲品，仲有得揀白鶴 純米酒 或 手工啤酒，配串燒一定要飲呢！
▲ 蜜瓜糯米糍造型好似車厘子，非常可愛！
▲ 白鶴 純米酒可以揀冷式熱飲，酒精濃度唔高，微甜唔太辣，可以慢慢品賞。
氣氛休閒 和風味濃
呢間餐廳喺銅鑼灣利園，要上到 3樓，再行一層樓梯上去，走廊裝飾好有日式氣派，好似穿梭去另一個空間咁。餐廳分咗唔同嘅區，近欄邊嘅位置光猛，可以望到商場，氣氛輕鬆，而另一邊就好似和室，可以席地而坐。另外仲有壽司 bar 枱同蕎麥麵製作室，可欣賞廚師製作過程。
權八居酒屋 (銅鑼灣)
地址： 銅鑼灣希慎道33號利園一期4樓
電話：27873688
營業時間：星期一至日 11:30-18:00 （禁堂食期間）
各區美食精選！
佐敦美食精選！街坊都食嘅懷舊點心糕品+台灣人氣黑糖珍珠奶
旺角慢煮快食新體驗！6間中日泰美食登陸彌敦道 700號｜北海道拉麵X清邁咖喱麵
地膽帶路！土瓜灣街頭小食 – 足料花膠魚肚粥 + 濃香米香腸粉
地膽推介！$150 掃盡 5大紅磡街頭小食 – 混醬班戟麵條 + 超大粒手製芋圓
死場不再！10間平民食肆進駐荃灣新 Food Court – 嫩滑手撕雞腸粉 x 醒胃麻辣串
粉色系呃 like 甜品團！食盡荃灣 3大潮食店 – 玫瑰士多啤梨窩夫 X 山形縣白桃厚班戟
大坑 2大呃 Like 甜品！ 粉色棉花糖燒 x 彩虹沖繩鹽刨冰
5萬呎水產市場登陸黃埔！九號水產 4大食店率先睇 – 蟹痴必掃北海道皇帝蟹
旺角 1日 4餐，由朝食到晚！青檸烏冬係劣食？韓系日式吉列牛一定正？
銅鑼灣 SOGO 地庫重開！5大人氣日本過江龍進駐 必食香脆海鮮煎餅 + 鹿兒島彈牙魚餅
元朗 4大人氣食店！必食北海道布丁燒 X 啖啖肉無骨雞翼包
屯門潮食集中地！紅橋 4大不得不吃的小食+主菜+甜品
【延伸閱讀】
